౧-౭. పటిచ్చవారాది
పచ్చయచతుక్కం
౭౨. కుసలం అతీతారమ్మణం ధమ్మం పటిచ్చ కుసలో అతీతారమ్మణో ధమ్మో ఉప్పజ్జతి హేతుపచ్చయా. (౧)
అకుసలం అతీతారమ్మణం ధమ్మం పటిచ్చ అకుసలో అతీతారమ్మణో ధమ్మో ఉప్పజ్జతి హేతుపచ్చయా. (౧)
అబ్యాకతం అతీతారమ్మణం ధమ్మం పటిచ్చ అబ్యాకతో అతీతారమ్మణో ధమ్మో ఉప్పజ్జతి హేతుపచ్చయా. (౧) (సంఖిత్తం.)
హేతుయా తీణి, అవిగతే తీణి. (సంఖిత్తం.)
(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
౭౩. కుసలో అతీతారమ్మణో ధమ్మో కుసలస్స అతీతారమ్మణస్స ధమ్మస్స హేతుపచ్చయేన పచ్చయో. (౧)
అకుసలో అతీతారమ్మణో ధమ్మో అకుసలస్స అతీతారమ్మణస్స ధమ్మస్స హేతుపచ్చయేన పచ్చయో. (౧)
అబ్యాకతో అతీతారమ్మణో ధమ్మో అబ్యాకతస్స అతీతారమ్మణస్స ధమ్మస్స హేతుపచ్చయేన పచ్చయో. (౧) (సంఖిత్తం.)
హేతుయా తీణి, ఆరమ్మణే నవ, అవిగతే తీణి. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)
అనాగతారమ్మణపదం
హేతుపచ్చయో
౭౪. కుసలం అనాగతారమ్మణం ధమ్మం పటిచ్చ కుసలో అనాగతారమ్మణో ధమ్మో ఉప్పజ్జతి హేతుపచ్చయా. (సంఖిత్తం.)
హేతుయా తీణి, ఆరమ్మణే తీణి, అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
౭౫. కుసలో అనాగతారమ్మణో ధమ్మో కుసలస్స అనాగతారమ్మణస్స ధమ్మస్స హేతుపచ్చయేన పచ్చయో. (సంఖిత్తం.)
హేతుయా తీణి, ఆరమ్మణే నవ, అవిగతే తీణి. (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం.)
పచ్చుప్పన్నారమ్మణపదం
హేతుపచ్చయో
౭౬. కుసలం పచ్చుప్పన్నారమ్మణం ధమ్మం పటిచ్చ కుసలో పచ్చుప్పన్నారమ్మణో ధమ్మో ఉప్పజ్జతి హేతుపచ్చయా. (సంఖిత్తం.)
హేతుయా తీణి, ఆరమ్మణే తీణి, అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
౭౭. కుసలో పచ్చుప్పన్నారమ్మణో ధమ్మో కుసలస్స పచ్చుప్పన్నారమ్మణస్స ధమ్మస్స హేతుపచ్చయేన పచ్చయో. (౧)
అకుసలో పచ్చుప్పన్నారమ్మణో ధమ్మో అకుసలస్స పచ్చుప్పన్నారమ్మణస్స ధమ్మస్స హేతుపచ్చయేన పచ్చయో. (౧)
అబ్యాకతో పచ్చుప్పన్నారమ్మణో ధమ్మో అబ్యాకతస్స పచ్చుప్పన్నారమ్మణస్స ధమ్మస్స హేతుపచ్చయేన పచ్చయో. (౧) (సంఖిత్తం.)
హేతుయా తీణి, ఆరమ్మణే ఛ, అవిగతే తీణి. (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం.)