౧-౭. పటిచ్చవారాది

పచ్చయచతుక్కం

౬౩. అకుసలం మిచ్ఛత్తనియతం ధమ్మం పటిచ్చ అకుసలో మిచ్ఛత్తనియతో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం. సబ్బత్థ విత్థారో.)

౬౪. కుసలం సమ్మత్తనియతం ధమ్మం పటిచ్చ కుసలో సమ్మత్తనియతో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం. సహజాతవారేపి…పే… పఞ్హావారేపి సబ్బత్థ ఏకం.)

౬౫. కుసలం అనియతం ధమ్మం పటిచ్చ కుసలో అనియతో ధమ్మో ఉప్పజ్జతి హేతుపచ్చయా. కుసలం అనియతం ధమ్మం పటిచ్చ అబ్యాకతో అనియతో ధమ్మో ఉప్పజ్జతి హేతుపచ్చయా. కుసలం అనియతం ధమ్మం పటిచ్చ కుసలో అనియతో చ అబ్యాకతో అనియతో చ ధమ్మా ఉప్పజ్జన్తి హేతుపచ్చయా. (౩)

అకుసలం అనియతం ధమ్మం పటిచ్చ అకుసలో అనియతో ధమ్మో ఉప్పజ్జతి హేతుపచ్చయా… తీణి.

అబ్యాకతం అనియతం ధమ్మం పటిచ్చ అబ్యాకతో అనియతో ధమ్మో ఉప్పజ్జతి హేతుపచ్చయా. (౧)

కుసలం అనియతఞ్చ అబ్యాకతం అనియతఞ్చ ధమ్మం పటిచ్చ అబ్యాకతో అనియతో ధమ్మో ఉప్పజ్జతి హేతుపచ్చయా. (౧)

అకుసలం అనియతఞ్చ అబ్యాకతం అనియతఞ్చ ధమ్మం పటిచ్చ అబ్యాకతో అనియతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా నవ, ఆరమ్మణే తీణి, అవిగతే నవ. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౬౬. కుసలో అనియతో ధమ్మో కుసలస్స అనియతస్స ధమ్మస్స హేతుపచ్చయేన పచ్చయో… తీణి.

అకుసలో అనియతో ధమ్మో అకుసలస్స అనియతస్స ధమ్మస్స హేతుపచ్చయేన పచ్చయో… తీణి.

అబ్యాకతో అనియతో ధమ్మో అబ్యాకతస్స అనియతస్స ధమ్మస్స హేతుపచ్చయేన పచ్చయో. (౧) (సంఖిత్తం.)

హేతుయా సత్త, ఆరమ్మణే నవ, అవిగతే తేరస. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)