౧-౭. పటిచ్చవారాది

పచ్చయచతుక్కం

౫౧. కుసలం పరిత్తం ధమ్మం పటిచ్చ కుసలో పరిత్తో ధమ్మో ఉప్పజ్జతి హేతుపచ్చయా. కుసలం పరిత్తం ధమ్మం పటిచ్చ అబ్యాకతో పరిత్తో ధమ్మో ఉప్పజ్జతి హేతుపచ్చయా. కుసలం పరిత్తం ధమ్మం పటిచ్చ కుసలో పరిత్తో చ అబ్యాకతో పరిత్తో చ ధమ్మా ఉప్పజ్జన్తి హేతుపచ్చయా. (౩)

అకుసలం పరిత్తం ధమ్మం పటిచ్చ అకుసలో పరిత్తో ధమ్మో ఉప్పజ్జతి హేతుపచ్చయా… తీణి.

అబ్యాకతం పరిత్తం ధమ్మం పటిచ్చ అబ్యాకతో పరిత్తో ధమ్మో ఉప్పజ్జతి హేతుపచ్చయా. (౧)

కుసలం పరిత్తఞ్చ అబ్యాకతం పరిత్తఞ్చ ధమ్మం పటిచ్చ అబ్యాకతో పరిత్తో ధమ్మో ఉప్పజ్జతి హేతుపచ్చయా. (౧)

అకుసలం పరిత్తఞ్చ అబ్యాకతం పరిత్తఞ్చ ధమ్మం పటిచ్చ అబ్యాకతో పరిత్తో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా నవ, ఆరమ్మణే తీణి, అవిగతే నవ. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౫౨. కుసలో పరిత్తో ధమ్మో కుసలస్స పరిత్తస్స ధమ్మస్స హేతుపచ్చయేన పచ్చయో… తీణి.

అకుసలో పరిత్తో ధమ్మో అకుసలస్స పరిత్తస్స ధమ్మస్స హేతుపచ్చయేన పచ్చయో… తీణి.

అబ్యాకతో పరిత్తో ధమ్మో అబ్యాకతస్స పరిత్తస్స ధమ్మస్స హేతుపచ్చయేన పచ్చయో. (౧)

కుసలో పరిత్తో ధమ్మో కుసలస్స పరిత్తస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

హేతుయా సత్త, ఆరమ్మణే నవ, అవిగతే తేరస. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)

మహగ్గతాదిపదాని

హేతుపచ్చయో

౫౩. కుసలం మహగ్గతం ధమ్మం పటిచ్చ కుసలో మహగ్గతో ధమ్మో ఉప్పజ్జతి హేతుపచ్చయా. (౧)

అబ్యాకతం మహగ్గతం ధమ్మం పటిచ్చ అబ్యాకతో మహగ్గతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, ఆరమ్మణే ద్వే, అవిగతే ద్వే. (సంఖిత్తం. సహజాతవారేపి…పే… పఞ్హావారేపి సబ్బత్థ విత్థారో).

౫౪. కుసలం అప్పమాణం ధమ్మం పటిచ్చ కుసలో అప్పమాణో ధమ్మో ఉప్పజ్జతి హేతుపచ్చయా. (౧)

అబ్యాకతం అప్పమాణం ధమ్మం పటిచ్చ అబ్యాకతో అప్పమాణో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, అవిగతే ద్వే. (సంఖిత్తం. సహజాతవారేపి…పే… పఞ్హావారేపి సబ్బత్థ విత్థారో.)