౧-౭. పటిచ్చవారాది

పచ్చయచతుక్కం

హేతుపచ్చయో

౧౧. నీవరణియం కుసలం ధమ్మం పటిచ్చ నీవరణియో కుసలో ధమ్మో ఉప్పజ్జతి హేతుపచ్చయా. (౧)

అనీవరణియం కుసలం ధమ్మం పటిచ్చ అనీవరణియో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౨. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).

(సహజాతవారోపి…పే… పఞ్హావారోపి విత్థారేతబ్బా).

౧౩. నీవరణియం అకుసలం ధమ్మం పటిచ్చ నీవరణియో అకుసలో ధమ్మో ఉప్పజ్జతి హేతుపచ్చయా (సంఖిత్తం).

౧౪. హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౧౫. నీవరణియం అబ్యాకతం ధమ్మం పటిచ్చ నీవరణియో అబ్యాకతో ధమ్మో ఉప్పజ్జతి హేతుపచ్చయా. (౧)

అనీవరణియం అబ్యాకతం ధమ్మం పటిచ్చ అనీవరణియో అబ్యాకతో ధమ్మో ఉప్పజ్జతి హేతుపచ్చయా… తీణి.

నీవరణియం అబ్యాకతఞ్చ అనీవరణియం అబ్యాకతఞ్చ ధమ్మం పటిచ్చ నీవరణియో అబ్యాకతో ధమ్మో ఉప్పజ్జతి హేతుపచ్చయా. (౧) (సంఖిత్తం).

౧౬. హేతుయా పఞ్చ, ఆరమ్మణే ద్వే…పే… ఆసేవనే ఏకం…పే… విపాకే పఞ్చ…పే… అవిగతే పఞ్చ (సంఖిత్తం). (సహజాతవారోపి…పే… పఞ్హావారోపి విత్థారేతబ్బా.)