౧-౭. పటిచ్చవారాది

పచ్చయచతుక్కం

హేతుపచ్చయో

౩౮. గన్థవిప్పయుత్తం గన్థనియం కుసలం ధమ్మం పటిచ్చ గన్థవిప్పయుత్తో గన్థనియో కుసలో ధమ్మో ఉప్పజ్జతి హేతుపచ్చయా. (౧)

గన్థవిప్పయుత్తం అగన్థనియం కుసలం ధమ్మం పటిచ్చ గన్థవిప్పయుత్తో అగన్థనియో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౩౯. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).

(సహజాతవారోపి…పే… పఞ్హావారోపి సబ్బత్థ విత్థారేతబ్బా.)

౪౦. గన్థవిప్పయుత్తం గన్థనియం అకుసలం ధమ్మం పటిచ్చ గన్థవిప్పయుత్తో గన్థనియో అకుసలో ధమ్మో ఉప్పజ్జతి హేతుపచ్చయా (సంఖిత్తం).

౪౧. హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౪౨. గన్థవిప్పయుత్తం గన్థనియం అబ్యాకతం ధమ్మం పటిచ్చ గన్థవిప్పయుత్తో గన్థనియో అబ్యాకతో ధమ్మో ఉప్పజ్జతి హేతుపచ్చయా. (౧)

గన్థవిప్పయుత్తం అగన్థనియం అబ్యాకతం ధమ్మం పటిచ్చ గన్థవిప్పయుత్తో అగన్థనియో అబ్యాకతో ధమ్మో ఉప్పజ్జతి హేతుపచ్చయా… తీణి.

గన్థవిప్పయుత్తం గన్థనియం అబ్యాకతఞ్చ గన్థవిప్పయుత్తం అగన్థనియం అబ్యాకతఞ్చ ధమ్మం పటిచ్చ గన్థవిప్పయుత్తో గన్థనియో అబ్యాకతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౪౩. హేతుయా పఞ్చ, ఆరమ్మణే ద్వే…పే… విపాకే పఞ్చ…పే… అవిగతే పఞ్చ (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౪౪. గన్థవిప్పయుత్తో గన్థనియో అబ్యాకతో ధమ్మో గన్థవిప్పయుత్తస్స గన్థనియస్స అబ్యాకతస్స ధమ్మస్స హేతుపచ్చయేన పచ్చయో. (౧)

గన్థవిప్పయుత్తో అగన్థనియో అబ్యాకతో ధమ్మో గన్థవిప్పయుత్తస్స అగన్థనియస్స అబ్యాకతస్స ధమ్మస్స హేతుపచ్చయేన పచ్చయో… తీణి (సంఖిత్తం).

౪౫. హేతుయా చత్తారి, ఆరమ్మణే తీణి, అధిపతియా చత్తారి…పే… అవిగతే సత్త. (సంఖిత్తం.)

౪౬. నహేతుయా సత్త, నఆరమ్మణే సత్త (సంఖిత్తం).

హేతుపచ్చయా నఆరమ్మణే చత్తారి (సంఖిత్తం).

నహేతుపచ్చయా ఆరమ్మణే తీణి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

గన్థగోచ్ఛకకుసలత్తికం నిట్ఠితం.

(ఓఘగోచ్ఛకమ్పి యోగగోచ్ఛకమ్పి ఆసవగోచ్ఛకకుసలత్తికసదిసం.)