౧-౬. పటిచ్చవారాది

పచ్చయచతుక్కం

హేతుపచ్చయో

౨౦. సఞ్ఞోజనవిప్పయుత్తం కుసలం ధమ్మం పటిచ్చ సఞ్ఞోజనవిప్పయుత్తో కుసలో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి …పే… పఞ్హావారేపి సబ్బత్థ ఏకం.)

౨౧. సఞ్ఞోజనసమ్పయుత్తం అకుసలం ధమ్మం పటిచ్చ సఞ్ఞోజనసమ్పయుత్తో అకుసలో ధమ్మో ఉప్పజ్జతి హేతుపచ్చయా… తీణి.

సఞ్ఞోజనసమ్పయుత్తం అకుసలం ధమ్మం పటిచ్చ సఞ్ఞోజనసమ్పయుత్తో అకుసలో ధమ్మో ఉప్పజ్జతి ఆరమ్మణపచ్చయా (సంఖిత్తం).

౨౨. హేతుయా తీణి, ఆరమ్మణే పఞ్చ, అధిపతియా ఏకం…పే… అవిగతే పఞ్చ (సంఖిత్తం, అనులోమం).

పచ్చనీయం

నహేతుపచ్చయో

౨౩. సఞ్ఞోజనసమ్పయుత్తం అకుసలం ధమ్మం పటిచ్చ సఞ్ఞోజనసమ్పయుత్తో అకుసలో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఖన్ధే పటిచ్చ విచికిచ్ఛాసహగతో మోహో. సఞ్ఞోజనసమ్పయుత్తం అకుసలం ధమ్మం పటిచ్చ సఞ్ఞోజనవిప్పయుత్తో అకుసలో ధమ్మో ఉప్పజ్జతి నహేతుపచ్చయా – ఉద్ధచ్చసహగతే ఖన్ధే పటిచ్చ ఉద్ధచ్చసహగతో మోహో. (౨) (సంఖిత్తం.)

౨౪. నహేతుయా ద్వే, నఅధిపతియా పఞ్చ, నపురేజాతే పఞ్చ…పే… నకమ్మే తీణి…పే… నవిప్పయుత్తే పఞ్చ (సంఖిత్తం, పచ్చనీయం).