అకుసలపదం

హేతుపచ్చయో

౪౨. ఆసవఞ్చేవ ఆసవసమ్పయుత్తఞ్చ అకుసలం ధమ్మం పటిచ్చ ఆసవో చేవ ఆసవసమ్పయుత్తో చ అకుసలో ధమ్మో ఉప్పజ్జతి హేతుపచ్చయా… తీణి.

ఆసవసమ్పయుత్తఞ్చేవ నో చ ఆసవం అకుసలం ధమ్మం పటిచ్చ ఆసవసమ్పయుత్తో చేవ నో చ ఆసవో అకుసలో ధమ్మో ఉప్పజ్జతి హేతుపచ్చయా… తీణి.

ఆసవఞ్చేవ ఆసవసమ్పయుత్తఞ్చ అకుసలఞ్చ ఆసవసమ్పయుత్తఞ్చేవ నో చ ఆసవం అకుసలఞ్చ ధమ్మం పటిచ్చ ఆసవో చేవ ఆసవసమ్పయుత్తో చ అకుసలో ధమ్మో ఉప్పజ్జతి హేతుపచ్చయా… తీణి (సంఖిత్తం).

౪౩. హేతుయా నవ, ఆరమ్మణే నవ…పే… అవిగతే నవ (సంఖిత్తం).

పచ్చనీయం

నఅధిపతిపచ్చయో

౪౪. ఆసవఞ్చేవ ఆసవసమ్పయుత్తఞ్చ అకుసలం ధమ్మం పటిచ్చ ఆసవో చేవ ఆసవసమ్పయుత్తో చ అకుసలో ధమ్మో ఉప్పజ్జతి నఅధిపతిపచ్చయా.

౪౫. నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (సంఖిత్తం).

(సహజాతవారేపి… సమ్పయుత్తవారేపి సబ్బత్థ నవ.)