౧-౭. పటిచ్చవారాది

పచ్చయచతుక్కం

హేతుపచ్చయో

౫౫. కేనచి విఞ్ఞేయ్యం కుసలం ధమ్మం పటిచ్చ కేనచి విఞ్ఞేయ్యో కుసలో ధమ్మో ఉప్పజ్జతి హేతుపచ్చయా. కేనచి విఞ్ఞేయ్యం కుసలం ధమ్మం పటిచ్చ కేనచి నవిఞ్ఞేయ్యో కుసలో ధమ్మో ఉప్పజ్జతి హేతుపచ్చయా. కేనచి విఞ్ఞేయ్యం కుసలం ధమ్మం పటిచ్చ కేనచి విఞ్ఞేయ్యో కుసలో చ కేనచి నవిఞ్ఞేయ్యో కుసలో చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

౫౬. హేతుయా నవ, ఆరమ్మణే నవ…పే… అవిగతే నవ (సంఖిత్తం).

పచ్చనీయం

నఅధిపతిపచ్చయో

౫౭. కేనచి విఞ్ఞేయ్యం కుసలం ధమ్మం పటిచ్చ కేనచి విఞ్ఞేయ్యో కుసలో ధమ్మో ఉప్పజ్జతి నఅధిపతిపచ్చయా (సంఖిత్తం).

౫౮. నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే నవ, నవిపాకే నవ…పే… నవిప్పయుత్తే నవ (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)

పచ్చయచతుక్కం

హేతుపచ్చయో

౫౯. కేనచి విఞ్ఞేయ్యో కుసలో ధమ్మో కేనచి విఞ్ఞేయ్యస్స కుసలస్స ధమ్మస్స హేతుపచ్చయేన పచ్చయో (సంఖిత్తం).

౬౦. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ…పే… కమ్మే నవ…పే… అవిగతే నవ (సంఖిత్తం).

నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే నవ (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం. కేనచి విఞ్ఞేయ్యం అకుసలమ్పి కేనచి విఞ్ఞేయ్యం అబ్యాకతమ్పి కేనచి విఞ్ఞేయ్యకుసలసదిసం విత్థారేతబ్బం).

కేనచివిఞ్ఞేయ్యదుకకుసలత్తికం నిట్ఠితం.

చూళన్తరదుకం నిట్ఠితం.