౧-౭. పటిచ్చవారాది

పచ్చయచతుక్కం

హేతుపచ్చయో

౪౩. లోకియం కుసలం ధమ్మం పటిచ్చ లోకియో కుసలో ధమ్మో ఉప్పజ్జతి హేతుపచ్చయా. (౧)

లోకుత్తరం కుసలం ధమ్మం పటిచ్చ లోకుత్తరో కుసలో ధమ్మో ఉప్పజ్జతి హేతుపచ్చయా. (౧)

లోకియం కుసలం ధమ్మం పటిచ్చ లోకియో కుసలో ధమ్మో ఉప్పజ్జతి ఆరమ్మణపచ్చయా. (౧)

లోకుత్తరం కుసలం ధమ్మం పటిచ్చ లోకుత్తరో కుసలో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౪౪. హేతుయా ద్వే, ఆరమ్మణే ద్వే, అధిపతియా ద్వే…పే… కమ్మే ద్వే…పే… అవిగతే ద్వే (సంఖిత్తం, అనులోమం).

౪౫. నఅధిపతియా ద్వే…పే… నఆసేవనే ఏకం…పే… నవిప్పయుత్తే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)

పచ్చయచతుక్కం

హేతుపచ్చయాది

౪౬. లోకియో కుసలో ధమ్మో లోకియస్స కుసలస్స ధమ్మస్స హేతుపచ్చయేన పచ్చయో. (౧)

లోకుత్తరో కుసలో ధమ్మో లోకుత్తరస్స కుసలస్స ధమ్మస్స హేతుపచ్చయేన పచ్చయో. (౧)

లోకియో కుసలో ధమ్మో లోకియస్స కుసలస్స ధమ్మస్స ఆరమ్మణపచ్చయేన పచ్చయో. (౧)

లోకుత్తరో కుసలో ధమ్మో లోకియస్స కుసలస్స ధమ్మస్స ఆరమ్మణపచ్చయేన పచ్చయో. (౧)

లోకియో కుసలో ధమ్మో లోకియస్స కుసలస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. (౧)

లోకుత్తరో కుసలో ధమ్మో లోకుత్తరస్స కుసలస్స ధమ్మస్స అధిపతిపచ్చయేన పచ్చయో – సహజాతాధిపతి. లోకుత్తరో కుసలో ధమ్మో లోకియస్స కుసలస్స ధమ్మస్స అధిపతిపచ్చయేన పచ్చయో – ఆరమ్మణాధిపతి. (౨) (సంఖిత్తం.)

౪౭. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే, సమనన్తరే ద్వే, సహజాతే ద్వే…పే… ఉపనిస్సయే చత్తారి, ఆసేవనే ద్వే, కమ్మే ద్వే, ఆహారే ద్వే…పే… అవిగతే ద్వే (సంఖిత్తం.)