౧-౭. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౩౮. రూపిం అబ్యాకతం ధమ్మం పటిచ్చ రూపీ అబ్యాకతో ధమ్మో ఉప్పజ్జతి హేతుపచ్చయా… తీణి.

అరూపిం అబ్యాకతం ధమ్మం పటిచ్చ అరూపీ అబ్యాకతో ధమ్మో ఉప్పజ్జతి హేతుపచ్చయా… తీణి.

రూపిం అబ్యాకతఞ్చ అరూపిం అబ్యాకతఞ్చ ధమ్మం పటిచ్చ రూపీ అబ్యాకతో ధమ్మో ఉప్పజ్జతి హేతుపచ్చయా… తీణి.

రూపిం అబ్యాకతం ధమ్మం పటిచ్చ అరూపీ అబ్యాకతో ధమ్మో ఉప్పజ్జతి ఆరమ్మణపచ్చయా (సంఖిత్తం).

౩౯. హేతుయా నవ, ఆరమ్మణే తీణి, అధిపతియా పఞ్చ, అనన్తరే తీణి, సమనన్తరే తీణి…పే… అఞ్ఞమఞ్ఞే ఛ…పే… పురేజాతే ఏకం, ఆసేవనే ఏకం, కమ్మే నవ, విపాకే నవ…పే… అవిగతే నవ (సంఖిత్తం).

౪౦. నహేతుయా నవ, నఆరమ్మణే తీణి, నఅధిపతియా నవ…పే… నకమ్మే ద్వే, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ద్వే, నమగ్గే నవ, నసమ్పయుత్తే తీణి, నవిప్పయుత్తే ద్వే, నోనత్థియా తీణి, నోవిగతే తీణి (సంఖిత్తం, పచ్చనీయం).

పచ్చయచతుక్కం

హేతుపచ్చయో

౪౧. అరూపీ అబ్యాకతో ధమ్మో అరూపిస్స అబ్యాకతస్స ధమ్మస్స హేతుపచ్చయేన పచ్చయో (సంఖిత్తం).

౪౨. హేతుయా తీణి, ఆరమ్మణే ద్వే, అధిపతియా తీణి, అనన్తరే ఏకం, సమనన్తరే ఏకం, సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే ద్వే, పురేజాతే ఏకం, పచ్ఛాజాతే ఏకం, ఆసేవనే ఏకం, కమ్మే తీణి, విపాకే తీణి, ఆహారే చత్తారి, ఇన్ద్రియే ఛ, ఝానే తీణి, మగ్గే తీణి, సమ్పయుత్తే ఏకం, విప్పయుత్తే ద్వే…పే… అవిగతే సత్త (సంఖిత్తం).

నహేతుయా సత్త, నఆరమ్మణే సత్త (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

రూపీదుకకుసలత్తికం నిట్ఠితం.