౭. పఞ్హావారో

పచ్చయచతుక్కం

హేతు-ఆరమ్మణపచ్చయా

౨౧. సహేతుకో అబ్యాకతో ధమ్మో సహేతుకస్స అబ్యాకతస్స ధమ్మస్స హేతుపచ్చయేన పచ్చయో… తీణి.

సహేతుకో అబ్యాకతో ధమ్మో సహేతుకస్స అబ్యాకతస్స ధమ్మస్స ఆరమ్మణపచ్చయేన పచ్చయో (సంఖిత్తం).

౨౨. హేతుయా తీణి, ఆరమ్మణే చత్తారి, అధిపతియా చత్తారి, అనన్తరే చత్తారి, సమనన్తరే చత్తారి, సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే ద్వే, కమ్మే చత్తారి, విపాకే చత్తారి, ఆహారే చత్తారి, ఇన్ద్రియే చత్తారి, ఝానే చత్తారి, మగ్గే తీణి, సమ్పయుత్తే ద్వే, విప్పయుత్తే తీణి, అత్థియా సత్త…పే… అవిగతే సత్త (సంఖిత్తం).

పచ్చనీయుద్ధారో

౨౩. సహేతుకో అబ్యాకతో ధమ్మో సహేతుకస్స అబ్యాకతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౨౪. నహేతుయా సత్త, నఆరమ్మణే సత్త (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే చత్తారి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

సహేతుకదుకకుసలత్తికం నిట్ఠితం.