౭. పఞ్హావారో

పచ్చయచతుక్కం

ఆరమ్మణపచ్చయో

౧౦౧. నహేతు సహేతుకో అబ్యాకతో ధమ్మో నహేతుస్స సహేతుకస్స అబ్యాకతస్స ధమ్మస్స ఆరమ్మణపచ్చయేన పచ్చయో (సంఖిత్తం).

౧౦౨. ఆరమ్మణే చత్తారి, అధిపతియా చత్తారి, అనన్తరే చత్తారి, సమనన్తరే చత్తారి, సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే ద్వే, కమ్మే చత్తారి, విపాకే చత్తారి, ఆహారే చత్తారి, ఇన్ద్రియే చత్తారి, ఝానే చత్తారి, మగ్గే తీణి, సమ్పయుత్తే ద్వే, విప్పయుత్తే తీణి, అత్థియా సత్త, నత్థియా చత్తారి, విగతే చత్తారి, అవిగతే సత్త (సంఖిత్తం).

పచ్చనీయుద్ధారో

౧౦౩. నహేతు సహేతుకో అబ్యాకతో ధమ్మో నహేతుస్స సహేతుకస్స అబ్యాకతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౧౦౪. నహేతుయా సత్త, నఆరమ్మణే సత్త (సంఖిత్తం).

ఆరమ్మణపచ్చయా నహేతుయా చత్తారి (సంఖిత్తం).

నహేతుపచ్చయా ఆరమ్మణే చత్తారి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

నహేతుసహేతుకదుకకుసలత్తికం నిట్ఠితం.

హేతుగోచ్ఛకం నిట్ఠితం.