౧-౬. పటిచ్చవారాది

౭౯. హేతుఞ్చేవ హేతుసమ్పయుత్తఞ్చ అకుసలం ధమ్మం పటిచ్చ హేతు చేవ హేతుసమ్పయుత్తో చ అకుసలో ధమ్మో ఉప్పజ్జతి హేతుపచ్చయా (సంఖిత్తం).

౮౦. హేతుయా నవ, ఆరమ్మణే నవ…పే… అవిగతే నవ (సంఖిత్తం).

౮౧. హేతుఞ్చేవ హేతుసమ్పయుత్తఞ్చ అకుసలం ధమ్మం పటిచ్చ హేతు చేవ హేతుసమ్పయుత్తో చ అకుసలో ధమ్మో ఉప్పజ్జతి నఅధిపతిపచ్చయా (సంఖిత్తం).

౮౨. నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (సంఖిత్తం).

హేతుపచ్చయా నఅధిపతియా తీణి (సంఖిత్తం).

నఅధిపతిపచ్చయా హేతుయా నవ (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)