౧-౭. పటిచ్చవారాది

౧౨౪. అతీతారమ్మణం సరణం ధమ్మం పటిచ్చ అతీతారమ్మణో సరణో ధమ్మో ఉప్పజ్జతి హేతుపచ్చయా. (౧)

అనాగతారమ్మణం సరణం ధమ్మం పటిచ్చ అనాగతారమ్మణో సరణో ధమ్మో ఉప్పజ్జతి హేతుపచ్చయా. (౧)

పచ్చుప్పన్నారమ్మణం సరణం ధమ్మం పటిచ్చ పచ్చుప్పన్నారమ్మణో సరణో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి…పే… అవిగతే తీణి (సంఖిత్తం).

(సహజాతవారమ్పి …పే… పఞ్హావారమ్పి సబ్బత్థ విత్థారేతబ్బం.)

౧౨౫. అతీతారమ్మణం అరణం ధమ్మం పటిచ్చ అతీతారమ్మణో అరణో ధమ్మో ఉప్పజ్జతి హేతుపచ్చయా. (౧)

అనాగతారమ్మణం అరణం ధమ్మం పటిచ్చ అనాగతారమ్మణో అరణో ధమ్మో ఉప్పజ్జతి హేతుపచ్చయా. (౧)

పచ్చుప్పన్నారమ్మణం అరణం ధమ్మం పటిచ్చ పచ్చుప్పన్నారమ్మణో అరణో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి…పే… అవిగతే తీణి (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౧౨౬. అతీతారమ్మణో అరణో ధమ్మో అతీతారమ్మణస్స అరణస్స ధమ్మస్స హేతుపచ్చయేన పచ్చయో. (౧)

అనాగతారమ్మణో అరణో ధమ్మో అనాగతారమ్మణస్స అరణస్స ధమ్మస్స హేతుపచ్చయేన పచ్చయో. (౧)

పచ్చుప్పన్నారమ్మణో అరణో ధమ్మో పచ్చుప్పన్నారమ్మణస్స అరణస్స ధమ్మస్స హేతుపచ్చయేన పచ్చయో. (౧)

అతీతారమ్మణో అరణో ధమ్మో అతీతారమ్మణస్స అరణస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

౧౨౭. హేతుయా తీణి, ఆరమ్మణే నవ…పే… అవిగతే తీణి (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).