౧-౭. పటిచ్చవారాది

౯౮. ఆచయగామిం సరణం ధమ్మం పటిచ్చ ఆచయగామీ సరణో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౯౯. ఆచయగామిం అరణం ధమ్మం పటిచ్చ ఆచయగామీ అరణో ధమ్మో ఉప్పజ్జతి హేతుపచ్చయా… తీణి.

అపచయగామిం అరణం ధమ్మం పటిచ్చ అపచయగామీ అరణో ధమ్మో ఉప్పజ్జతి హేతుపచ్చయా… తీణి.

నేవాచయగామినాపచయగామిం అరణం ధమ్మం పటిచ్చ నేవాచయగామినాపచయగామీ అరణో ధమ్మో ఉప్పజ్జతి హేతుపచ్చయా. (౧)

ఆచయగామిం అరణఞ్చ నేవాచయగామినాపచయగామిం అరణఞ్చ ధమ్మం పటిచ్చ నేవాచయగామినాపచయగామీ అరణో ధమ్మో ఉప్పజ్జతి హేతుపచ్చయా. (౧)

అపచయగామిం అరణఞ్చ నేవాచయగామినాపచయగామిం అరణఞ్చ ధమ్మం పటిచ్చ నేవాచయగామినాపచయగామీ అరణో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౦౦. హేతుయా నవ, ఆరమ్మణే తీణి, అధిపతియా నవ…పే… అవిగతే నవ (సంఖిత్తం). (సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౧౦౧. ఆచయగామీ అరణో ధమ్మో ఆచయగామిస్స అరణస్స ధమ్మస్స హేతుపచ్చయేన పచ్చయో… తీణి.

అపచయగామీ అరణో ధమ్మో అపచయగామిస్స అరణస్స ధమ్మస్స హేతుపచ్చయేన పచ్చయో… తీణి.

నేవాచయగామినాపచయగామీ అరణో ధమ్మో నేవాచయగామినాపచయగామిస్స అరణస్స ధమ్మస్స హేతుపచ్చయేన పచ్చయో. (౧)

ఆచయగామీ అరణో ధమ్మో ఆచయగామిస్స అరణస్స ధమ్మస్స ఆరమ్మణపచ్చయేన పచ్చయో (సంఖిత్తం).

౧౦౨. హేతుయా సత్త, ఆరమ్మణే సత్త, అధిపతియా దస, అనన్తరే ఛ…పే… అవిగతే తేరస. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)