౧-౭. పటిచ్చవారాది

పచ్చయచతుక్కం

హేతుపచ్చయో

౮౭. సవితక్కసవిచారం సరణం ధమ్మం పటిచ్చ సవితక్కసవిచారో సరణో ధమ్మో ఉప్పజ్జతి హేతుపచ్చయా. సవితక్కసవిచారం సరణం ధమ్మం పటిచ్చ అవితక్కవిచారమత్తో సరణో ధమ్మో ఉప్పజ్జతి హేతుపచ్చయా. సవితక్కసవిచారం సరణం ధమ్మం పటిచ్చ సవితక్కసవిచారో సరణో చ అవితక్కవిచారమత్తో సరణో చ ధమ్మా ఉప్పజ్జన్తి హేతుపచ్చయా. (౩)

అవితక్కవిచారమత్తం సరణం ధమ్మం పటిచ్చ సవితక్కసవిచారో సరణో ధమ్మో ఉప్పజ్జతి హేతుపచ్చయా. (౧)

సవితక్కసవిచారం సరణఞ్చ అవితక్కవిచారమత్తం సరణఞ్చ ధమ్మం పటిచ్చ సవితక్కసవిచారో సరణో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౮౮. హేతుయా పఞ్చ…పే… అవిగతే పఞ్చ (సంఖిత్తం).

(సహజాతవారేపి…పే… పఞ్హావారేపి సబ్బత్థ విత్థారో.)

౮౯. సవితక్కసవిచారం అరణం ధమ్మం పటిచ్చ సవితక్కసవిచారో అరణో ధమ్మో ఉప్పజ్జతి హేతుపచ్చయా… సత్త.

అవితక్కవిచారమత్తం అరణం ధమ్మం పటిచ్చ అవితక్కవిచారమత్తో అరణో ధమ్మో ఉప్పజ్జతి హేతుపచ్చయా … పఞ్చ.

అవితక్కఅవిచారం అరణం ధమ్మం పటిచ్చ అవితక్కఅవిచారో అరణో ధమ్మో ఉప్పజ్జతి హేతుపచ్చయా (సంఖిత్తం).

౯౦. హేతుయా సత్తతింస…పే… అవిగతే సత్తతింస (సంఖిత్తం). (సహజాతవారమ్పి…పే… పఞ్హావారమ్పి విత్థారేతబ్బం).