౧-౭. పటిచ్చవారాది

౫౩. కుసలం సఉత్తరం ధమ్మం పటిచ్చ కుసలో సఉత్తరో ధమ్మో ఉప్పజ్జతి హేతుపచ్చయా… తీణి.

అకుసలం సఉత్తరం ధమ్మం పటిచ్చ అకుసలో సఉత్తరో ధమ్మో ఉప్పజ్జతి హేతుపచ్చయా… తీణి.

అబ్యాకతం సఉత్తరం ధమ్మం పటిచ్చ అబ్యాకతో సఉత్తరో ధమ్మో ఉప్పజ్జతి హేతుపచ్చయా. (౧)

కుసలం సఉత్తరఞ్చ అబ్యాకతం సఉత్తరఞ్చ ధమ్మం పటిచ్చ అబ్యాకతో సఉత్తరో ధమ్మో ఉప్పజ్జతి హేతుపచ్చయా. (౧)

అకుసలం సఉత్తరఞ్చ అబ్యాకతం సఉత్తరఞ్చ ధమ్మం పటిచ్చ అబ్యాకతో సఉత్తరో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౫౪. హేతుయా నవ, ఆరమ్మణే తీణి…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౫౫. కుసలో సఉత్తరో ధమ్మో కుసలస్స సఉత్తరస్స ధమ్మస్స హేతుపచ్చయేన పచ్చయో… తీణి.

అకుసలో సఉత్తరో ధమ్మో అకుసలస్స సఉత్తరస్స ధమ్మస్స హేతుపచ్చయేన పచ్చయో… తీణి.

అబ్యాకతో సఉత్తరో ధమ్మో అబ్యాకతస్స సఉత్తరస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౫౬. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం).

౫౭. కుసలం అనుత్తరం ధమ్మం పటిచ్చ కుసలో అనుత్తరో ధమ్మో ఉప్పజ్జతి హేతుపచ్చయా. (౧)

అబ్యాకతం అనుత్తరం ధమ్మం పటిచ్చ అబ్యాకతో అనుత్తరో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౫౮. కుసలో అనుత్తరో ధమ్మో కుసలస్స అనుత్తరస్స ధమ్మస్స హేతుపచ్చయేన పచ్చయో. (౧)

అబ్యాకతో అనుత్తరో ధమ్మో అబ్యాకతస్స అనుత్తరస్స ధమ్మస్స హేతుపచ్చయేన పచ్చయో. (౧)

అబ్యాకతో అనుత్తరో ధమ్మో అబ్యాకతస్స అనుత్తరస్స ధమ్మస్స ఆరమ్మణపచ్చయేన పచ్చయో. (౧)

అబ్యాకతో అనుత్తరో ధమ్మో కుసలస్స అనుత్తరస్స ధమ్మస్స ఆరమ్మణపచ్చయేన పచ్చయో. (౧) (సంఖిత్తం.)

౫౯. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే…పే… అవిగతే ద్వే (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)