౧-౭. పటిచ్చవారాది

పచ్చయచతుక్కం

హేతుపచ్చయో

౪౧. కుసలం పరియాపన్నం ధమ్మం పటిచ్చ కుసలో పరియాపన్నో ధమ్మో ఉప్పజ్జతి హేతుపచ్చయా… తీణి.

అకుసలం పరియాపన్నం ధమ్మం పటిచ్చ అకుసలో పరియాపన్నో ధమ్మో ఉప్పజ్జతి హేతుపచ్చయా… తీణి.

అబ్యాకతం పరియాపన్నం ధమ్మం పటిచ్చ అబ్యాకతో పరియాపన్నో ధమ్మో ఉప్పజ్జతి హేతుపచ్చయా. (౧)

కుసలం పరియాపన్నఞ్చ అబ్యాకతం పరియాపన్నఞ్చ ధమ్మం పటిచ్చ అబ్యాకతో పరియాపన్నో ధమ్మో ఉప్పజ్జతి హేతుపచ్చయా. (౧)

అకుసలం పరియాపన్నఞ్చ అబ్యాకతం పరియాపన్నఞ్చ ధమ్మం పటిచ్చ అబ్యాకతో పరియాపన్నో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౪౨. హేతుయా నవ, ఆరమ్మణే తీణి…పే… విపాకే ఏకం…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౪౩. కుసలో పరియాపన్నో ధమ్మో కుసలస్స పరియాపన్నస్స ధమ్మస్స హేతుపచ్చయేన పచ్చయో… తీణి.

అకుసలో పరియాపన్నో ధమ్మో అకుసలస్స పరియాపన్నస్స ధమ్మస్స హేతుపచ్చయేన పచ్చయో… తీణి.

అబ్యాకతో పరియాపన్నో ధమ్మో అబ్యాకతస్స పరియాపన్నస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౪౪. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

అపరియాపన్నపదం

హేతు-ఆరమ్మణపచ్చయా

౪౫. కుసలం అపరియాపన్నం ధమ్మం పటిచ్చ కుసలో అపరియాపన్నో ధమ్మో ఉప్పజ్జతి హేతుపచ్చయా. (౧)

అబ్యాకతం అపరియాపన్నం ధమ్మం పటిచ్చ అబ్యాకతో అపరియాపన్నో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం.) (సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౪౬. కుసలో అపరియాపన్నో ధమ్మో కుసలస్స అపరియాపన్నస్స ధమ్మస్స హేతుపచ్చయేన పచ్చయో. (౧)

అబ్యాకతో అపరియాపన్నో ధమ్మో అబ్యాకతస్స అపరియాపన్నస్స ధమ్మస్స హేతుపచ్చయేన పచ్చయో. (౧)

అబ్యాకతో అపరియాపన్నో ధమ్మో అబ్యాకతస్స అపరియాపన్నస్స ధమ్మస్స ఆరమ్మణపచ్చయేన పచ్చయో. అబ్యాకతో అపరియాపన్నో ధమ్మో కుసలస్స అపరియాపన్నస్స ధమ్మస్స ఆరమ్మణపచ్చయేన పచ్చయో. (౨)

౪౭. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే…పే… ఉపనిస్సయే చత్తారి…పే… అవిగతే ద్వే. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)