౧-౭. పటిచ్చవారాది

పచ్చయచతుక్కం

హేతుపచ్చయో

౨౮. కుసలం కామావచరం ధమ్మం పటిచ్చ కుసలో కామావచరో ధమ్మో ఉప్పజ్జతి హేతుపచ్చయా. కుసలం కామావచరం ధమ్మం పటిచ్చ అబ్యాకతో కామావచరో ధమ్మో ఉప్పజ్జతి హేతుపచ్చయా. కుసలం కామావచరం ధమ్మం పటిచ్చ కుసలో కామావచరో చ అబ్యాకతో కామావచరో చ ధమ్మా ఉప్పజ్జన్తి హేతుపచ్చయా. (౩)

అకుసలం కామావచరం ధమ్మం పటిచ్చ అకుసలో కామావచరో ధమ్మో ఉప్పజ్జతి హేతుపచ్చయా… తీణి.

అబ్యాకతం కామావచరం ధమ్మం పటిచ్చ అబ్యాకతో కామావచరో ధమ్మో ఉప్పజ్జతి హేతుపచ్చయా. (౧)

కుసలం కామావచరఞ్చ అబ్యాకతం కామావచరఞ్చ ధమ్మం పటిచ్చ అబ్యాకతో కామావచరో ధమ్మో ఉప్పజ్జతి హేతుపచ్చయా. (౧)

అకుసలం కామావచరఞ్చ అబ్యాకతం కామావచరఞ్చ ధమ్మం పటిచ్చ అబ్యాకతో కామావచరో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨౯. హేతుయా నవ, ఆరమ్మణే తీణి…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౩౦. కుసలో కామావచరో ధమ్మో కుసలస్స కామావచరస్స ధమ్మస్స హేతుపచ్చయేన పచ్చయో… తీణి.

అకుసలో కామావచరో ధమ్మో కుసలస్స కామావచరస్స ధమ్మస్స హేతుపచ్చయేన పచ్చయో… తీణి.

అబ్యాకతో కామావచరో ధమ్మో అబ్యాకతస్స కామావచరస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౩౧. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

నకామావచరపదం

హేతు-ఆరమ్మణపచ్చయా

౩౨. కుసలం నకామావచరం ధమ్మం పటిచ్చ కుసలో నకామావచరో ధమ్మో ఉప్పజ్జతి హేతుపచ్చయా. (౧)

అబ్యాకతం నకామావచరం ధమ్మం పటిచ్చ అబ్యాకతో నకామావచరో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౩౩. కుసలో నకామావచరో ధమ్మో కుసలస్స నకామావచరస్స ధమ్మస్స హేతుపచ్చయేన పచ్చయో. (౧)

అబ్యాకతో నకామావచరో ధమ్మో అబ్యాకతస్స నకామావచరస్స ధమ్మస్స హేతుపచ్చయేన పచ్చయో. (౧)

కుసలో నకామావచరో ధమ్మో కుసలస్స నకామావచరస్స ధమ్మస్స ఆరమ్మణపచ్చయేన పచ్చయో. కుసలో నకామావచరో ధమ్మో అబ్యాకతస్స నకామావచరస్స ధమ్మస్స ఆరమ్మణపచ్చయేన పచ్చయో. (౨)

అబ్యాకతో నకామావచరో ధమ్మో అబ్యాకతస్స నకామావచరస్స ధమ్మస్స ఆరమ్మణపచ్చయేన పచ్చయో. అబ్యాకతో నకామావచరో ధమ్మో కుసలస్స నకామావచరస్స ధమ్మస్స ఆరమ్మణపచ్చయేన పచ్చయో. (౨)

౩౪. హేతుయా ద్వే, ఆరమ్మణే చత్తారి, అధిపతియా తీణి…పే… అవిగతే ద్వే (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)