అప్పీతికపదం

౨౪. కుసలం అప్పీతికం ధమ్మం పటిచ్చ కుసలో అప్పీతికో ధమ్మో ఉప్పజ్జతి హేతుపచ్చయా… తీణి.

అకుసలం అప్పీతికం ధమ్మం పటిచ్చ అకుసలో అప్పీతికో ధమ్మో ఉప్పజ్జతి హేతుపచ్చయా… తీణి.

అబ్యాకతం అప్పీతికం ధమ్మం పటిచ్చ అబ్యాకతో అప్పీతికో ధమ్మో ఉప్పజ్జతి హేతుపచ్చయా. (౧)

కుసలం అప్పీతికఞ్చ అబ్యాకతం అప్పీతికఞ్చ ధమ్మం పటిచ్చ అబ్యాకతో అప్పీతికో ధమ్మో ఉప్పజ్జతి హేతుపచ్చయా. (౧)

అకుసలం అప్పీతికఞ్చ అబ్యాకతం అప్పీతికఞ్చ ధమ్మం పటిచ్చ అబ్యాకతో అప్పీతికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨౫. హేతుయా నవ, ఆరమ్మణే తీణి…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౨౬. కుసలో అప్పీతికో ధమ్మో కుసలస్స అప్పీతికస్స ధమ్మస్స హేతుపచ్చయేన పచ్చయో (సంఖిత్తం).

హేతుయా సత్త, ఆరమ్మణే నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).