౧. విభఙ్గవారో

హేతుపచ్చయో

౮౬. కిలేసో చేవ సంకిలిట్ఠో చ ధమ్మో కిలేసస్స చేవ సంకిలిట్ఠస్స చ ధమ్మస్స హేతుపచ్చయేన పచ్చయో – కిలేసా చేవ సంకిలిట్ఠా చ హేతూ సమ్పయుత్తకానం కిలేసానం హేతుపచ్చయేన పచ్చయో. (౧)

కిలేసో చేవ సంకిలిట్ఠో చ ధమ్మో సంకిలిట్ఠస్స చేవ నో చ కిలేసస్స ధమ్మస్స హేతుపచ్చయేన పచ్చయో – కిలేసా చేవ సంకిలిట్ఠా చ హేతూ సమ్పయుత్తకానం ఖన్ధానం హేతుపచ్చయేన పచ్చయో.

కిలేసో చేవ సంకిలిట్ఠో చ ధమ్మో కిలేసస్స చేవ సంకిలిట్ఠస్స చ సంకిలిట్ఠస్స చేవ నో చ కిలేసస్స చ ధమ్మస్స హేతుపచ్చయేన పచ్చయో – కిలేసా చేవ సంకిలిట్ఠా చ హేతూ సమ్పయుత్తకానం ఖన్ధానం కిలేసానఞ్చ హేతుపచ్చయేన పచ్చయో. (౩)

ఆరమ్మణపచ్చయో

౮౭. కిలేసో చేవ సంకిలిట్ఠో చ ధమ్మో కిలేసస్స చేవ సంకిలిట్ఠస్స చ ధమ్మస్స ఆరమ్మణపచ్చయేన పచ్చయో – కిలేసే ఆరబ్భ కిలేసా ఉప్పజ్జన్తి. (మూలం కాతబ్బం.) కిలేసే ఆరబ్భ సంకిలిట్ఠా చేవ నో చ కిలేసా ఖన్ధా ఉప్పజ్జన్తి. (మూలం కాతబ్బం.) కిలేసే ఆరబ్భ కిలేసా చ సమ్పయుత్తకా ఖన్ధా చ ఉప్పజ్జన్తి. (౩)

౮౮. సంకిలిట్ఠో చేవ నో చ కిలేసో ధమ్మో సంకిలిట్ఠస్స చేవ నో చ కిలేసస్స ధమ్మస్స ఆరమ్మణపచ్చయేన పచ్చయో – సంకిలిట్ఠే చేవ నో చ కిలేసే ఖన్ధే ఆరబ్భ సంకిలిట్ఠా చేవ నో చ కిలేసా ఖన్ధా ఉప్పజ్జన్తి. (మూలం కాతబ్బం.) సంకిలిట్ఠే చేవ నో చ కిలేసే ఖన్ధే ఆరబ్భ కిలేసా ఉప్పజ్జన్తి. (మూలం కాతబ్బం.) సంకిలిట్ఠే చేవ నో చ కిలేసే ఖన్ధే ఆరబ్భ కిలేసా చ సమ్పయుత్తకా ఖన్ధా చ ఉప్పజ్జన్తి. (౩)

(ఇతరేపి తీణి కాతబ్బా.)

అధిపతిపచ్చయో

౮౯. కిలేసో చేవ సంకిలిట్ఠో చ ధమ్మో కిలేసస్స చేవ సంకిలిట్ఠస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి.

సంకిలిట్ఠో చేవ నో చ కిలేసో ధమ్మో సంకిలిట్ఠస్స చేవ నో చ కిలేసస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సంకిలిట్ఠే చేవ నో చ కిలేసే ఖన్ధే గరుం కత్వా…పే… తీణి. (ద్వే అధిపతి తీణిపి కాతబ్బా, ఇతరే ద్వేపి తీణి కాతబ్బా.)

అనన్తరపచ్చయాది

౯౦. కిలేసో చేవ సంకిలిట్ఠో చ ధమ్మో కిలేసస్స చేవ సంకిలిట్ఠస్స చ ధమ్మస్స అనన్తరపచ్చయేన పచ్చయో (నవపి కాతబ్బా, ఆవజ్జనాపి వుట్ఠానమ్పి నత్థి)… సమనన్తరపచ్చయేన పచ్చయో… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… ఉపనిస్సయపచ్చయేన పచ్చయో… నవ పఞ్హా (పురేజాతపచ్చయో పచ్ఛాజాతపచ్చయోపి నత్థి)… ఆసేవనపచ్చయేన పచ్చయో.

కమ్మపచ్చయాది

౯౧. సంకిలిట్ఠో చేవ నో చ కిలేసో ధమ్మో సంకిలిట్ఠస్స చేవ నో చ కిలేసస్స ధమ్మస్స కమ్మపచ్చయేన పచ్చయో – సంకిలిట్ఠా చేవ నో చ కిలేసా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

సంకిలిట్ఠో చేవ నో చ కిలేసో ధమ్మో కిలేసస్స చేవ సంకిలిట్ఠస్స చ ధమ్మస్స కమ్మపచ్చయేన పచ్చయో – సంకిలిట్ఠా చేవ నో చ కిలేసా చేతనా సమ్పయుత్తకానం కిలేసానం కమ్మపచ్చయేన పచ్చయో. (౨)

సంకిలిట్ఠో చేవ నో చ కిలేసో ధమ్మో కిలేసస్స చేవ సంకిలిట్ఠస్స చ సంకిలిట్ఠస్స చేవ నో చ కిలేసస్స ధమ్మస్స కమ్మపచ్చయేన పచ్చయో – సంకిలిట్ఠా చేవ నో చ కిలేసా చేతనా సమ్పయుత్తకానం ఖన్ధానం కిలేసానఞ్చ కమ్మపచ్చయేన పచ్చయో. (౩)

ఆహారపచ్చయేన పచ్చయో… తీణి… ఇన్ద్రియపచ్చయేన పచ్చయో… తీణి… ఝానపచ్చయేన పచ్చయో… తీణి… మగ్గపచ్చయేన పచ్చయో… నవ… సమ్పయుత్తపచ్చయేన పచ్చయో… నవ… అత్థిపచ్చయేన పచ్చయో… నవ… నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో… నవ.