౧-౬. పటిచ్చవారాది

పచ్చయచతుక్కం

హేతుపచ్చయాది

౪౪. హేతుం అబ్యాకతం ధమ్మం పటిచ్చ హేతు అబ్యాకతో ధమ్మో ఉప్పజ్జతి హేతుపచ్చయా. హేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి హేతుపచ్చయా. హేతుం అబ్యాకతం ధమ్మం పటిచ్చ హేతు అబ్యాకతో చ నహేతు అబ్యాకతో చ ధమ్మా ఉప్పజ్జన్తి హేతుపచ్చయా. (౩)

౪౫. నహేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి హేతుపచ్చయా… తీణి.

హేతుం అబ్యాకతఞ్చ నహేతుం అబ్యాకతఞ్చ ధమ్మం పటిచ్చ హేతు అబ్యాకతో ధమ్మో ఉప్పజ్జతి హేతుపచ్చయా… తీణి.

౪౬. హేతుం అబ్యాకతం ధమ్మం పటిచ్చ హేతు అబ్యాకతో ధమ్మో ఉప్పజ్జతి ఆరమ్మణపచ్చయా (సంఖిత్తం).

౪౭. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, విపాకే నవ, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే నవ, విప్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (అనులోమం).

నహేతు-నఆరమ్మణపచ్చయా

౪౮. నహేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నహేతుపచ్చయా. (౧)

౪౯. హేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నఆరమ్మణపచ్చయా. (౧)

నహేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నఆరమ్మణపచ్చయా. (౧)

హేతుం అబ్యాకతఞ్చ నహేతుం అబ్యాకతఞ్చ ధమ్మం పటిచ్చ నహేతు అబ్యాకతో ధమ్మో ఉప్పజ్జతి నఆరమ్మణపచ్చయా. (౧)

నఅధిపతిపచ్చయాది

౫౦. హేతుం అబ్యాకతం ధమ్మం పటిచ్చ హేతు అబ్యాకతో ధమ్మో ఉప్పజ్జతి నఅధిపతిపచ్చయా… నవ…పే….

౫౧. హేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నకమ్మపచ్చయా. (౧)

నహేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నకమ్మపచ్చయా. (౧)

హేతుం అబ్యాకతఞ్చ నహేతుం అబ్యాకతఞ్చ ధమ్మం పటిచ్చ నహేతు అబ్యాకతో ధమ్మో ఉప్పజ్జతి నకమ్మపచ్చయా. (౧)

౫౨. నహేతుం అబ్యాకతం ధమ్మం పటిచ్చ నహేతు అబ్యాకతో ధమ్మో ఉప్పజ్జతి నఆహారపచ్చయా… నఇన్ద్రియపచ్చయా… నఝానపచ్చయా (సంఖిత్తం).

౫౩. నహేతుయా ఏకం, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి (పచ్చనీయం).

హేతుపచ్చయా నఆరమ్మణే తీణి, నఅధిపతియా నవ (సంఖిత్తం, అనులోమపచ్చనీయం).

నహేతుపచ్చయా ఆరమ్మణే ఏకం (సంఖిత్తం, పచ్చనీయానులోమం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)