౭. పఞ్హావారో

పచ్చయచతుక్కం

హేతు-ఆరమ్మణపచ్చయా

౨౭౮. హేతు నేవదస్సనేన నభావనాయ పహాతబ్బో ధమ్మో హేతుస్స నేవదస్సనేన నభావనాయ పహాతబ్బస్స ధమ్మస్స హేతుపచ్చయేన పచ్చయో… తీణి.

హేతు నేవదస్సనేన నభావనాయ పహాతబ్బో ధమ్మో హేతుస్స నేవదస్సనేన నభావనాయ పహాతబ్బస్స ధమ్మస్స ఆరమ్మణపచ్చయేన పచ్చయో… నవ (సంఖిత్తం).

౨౭౯. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ.

పచ్చనీయుద్ధారో

౨౮౦. హేతు నేవదస్సనేన నభావనాయ పహాతబ్బో ధమ్మో హేతుస్స నేవదస్సనేన నభావనాయ పహాతబ్బస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౨౮౧. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి నణితం, ఏవం గణేతబ్బం.)

హేతుదుకదస్సనేనపహాతబ్బత్తికం నిట్ఠితం.