౧-౬. పటిచ్చవారాది

౨౬౬. హేతుం భావనాయ పహాతబ్బం ధమ్మం పటిచ్చ హేతు భావనాయ పహాతబ్బో ధమ్మో ఉప్పజ్జతి హేతుపచ్చయా… తీణి.

నహేతుం భావనాయ పహాతబ్బం ధమ్మం పటిచ్చ నహేతు భావనాయ పహాతబ్బో ధమ్మో ఉప్పజ్జతి హేతుపచ్చయా… తీణి.

హేతుం భావనాయ పహాతబ్బఞ్చ నహేతుం భావనాయ పహాతబ్బఞ్చ ధమ్మం పటిచ్చ హేతు భావనాయ పహాతబ్బో ధమ్మో ఉప్పజ్జతి హేతుపచ్చయా… తీణి (సంఖిత్తం).

౨౬౭. హేతుయా నవ, ఆరమ్మణే నవ…పే… అవిగతే నవ (సంఖిత్తం).

౨౬౮. నహేతుం భావనాయ పహాతబ్బం ధమ్మం పటిచ్చ హేతు భావనాయ పహాతబ్బో ధమ్మో ఉప్పజ్జతి నహేతుపచ్చయా. (౧) (సంఖిత్తం.)

౨౬౯. నహేతుయా ఏకం, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)