౧-౬. పటిచ్చవారాది

పచ్చయచతుక్కం

హేతుపచ్చయో

౨౫౦. హేతుం ఉపేక్ఖాసహగతం ధమ్మం పటిచ్చ హేతు ఉపేక్ఖాసహగతో ధమ్మో ఉప్పజ్జతి హేతుపచ్చయా… తీణి.

నహేతుం ఉపేక్ఖాసహగతం ధమ్మం పటిచ్చ నహేతు ఉపేక్ఖాసహగతో ధమ్మో ఉప్పజ్జతి హేతుపచ్చయా… తీణి.

హేతుం ఉపేక్ఖాసహగతఞ్చ నహేతుం ఉపేక్ఖాసహగతఞ్చ ధమ్మం పటిచ్చ హేతు ఉపేక్ఖాసహగతో ధమ్మో ఉప్పజ్జతి హేతుపచ్చయా… తీణి (సంఖిత్తం).

౨౫౧. హేతుయా నవ, ఆరమ్మణే నవ, అధిపతియా నవ…పే… కమ్మే నవ, విపాకే నవ…పే… అవిగతే నవ (సంఖిత్తం).

నహేతుపచ్చయాది

౨౫౨. నహేతుం ఉపేక్ఖాసహగతం ధమ్మం పటిచ్చ నహేతు ఉపేక్ఖాసహగతో ధమ్మో ఉప్పజ్జతి నహేతుపచ్చయా… ద్వే.

హేతుం ఉపేక్ఖాసహగతం ధమ్మం పటిచ్చ హేతు ఉపేక్ఖాసహగతో ధమ్మో ఉప్పజ్జతి నఅధిపతిపచ్చయా… నవ.

హేతుం ఉపేక్ఖాసహగతం ధమ్మం పటిచ్చ హేతు ఉపేక్ఖాసహగతో ధమ్మో ఉప్పజ్జతి నపురేజాతపచ్చయా… నవ.

హేతుం ఉపేక్ఖాసహగతం ధమ్మం పటిచ్చ హేతు ఉపేక్ఖాసహగతో ధమ్మో ఉప్పజ్జతి నపచ్ఛాజాతపచ్చయా… నవ (సంఖిత్తం).

౨౫౩. నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఝానే ఏకం, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)