౧-౬. పటిచ్చవారాది

పచ్చయచతుక్కం

హేతుపచ్చయో

౨౧౦. హేతుం సవితక్కసవిచారం ధమ్మం పటిచ్చ హేతు సవితక్కసవిచారో ధమ్మో ఉప్పజ్జతి హేతుపచ్చయా. హేతుం సవితక్కసవిచారం ధమ్మం పటిచ్చ నహేతు సవితక్కసవిచారో ధమ్మో ఉప్పజ్జతి హేతుపచ్చయా. హేతుం సవితక్కసవిచారం ధమ్మం పటిచ్చ హేతు సవితక్కసవిచారో చ నహేతు సవితక్కసవిచారో చ ధమ్మా ఉప్పజ్జన్తి హేతుపచ్చయా. (౩)

నహేతుం సవితక్కసవిచారం ధమ్మం పటిచ్చ నహేతు సవితక్కసవిచారో ధమ్మో ఉప్పజ్జతి హేతుపచ్చయా… తీణి.

హేతుం సవితక్కసవిచారఞ్చ నహేతుం సవితక్కసవిచారఞ్చ ధమ్మం పటిచ్చ హేతు సవితక్కసవిచారో ధమ్మో ఉప్పజ్జతి హేతుపచ్చయా… తీణి (సంఖిత్తం).

౨౧౧. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ…పే… కమ్మే నవ, విపాకే నవ…పే… అవిగతే నవ (సంఖిత్తం).

నహేతు-నఅధిపతిపచ్చయా

౨౧౨. నహేతుం సవితక్కసవిచారం ధమ్మం పటిచ్చ నహేతు సవితక్కసవిచారో ధమ్మో ఉప్పజ్జతి నహేతుపచ్చయా… ద్వే.

హేతుం సవితక్కసవిచారం ధమ్మం పటిచ్చ హేతు సవితక్కసవిచారో ధమ్మో ఉప్పజ్జతి నఅధిపతిపచ్చయా (సంఖిత్తం).

౨౧౩. నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)