౧-౬. పటిచ్చవారాది

పచ్చయచతుక్కం

హేతుపచ్చయో

౧౭౭. హేతుం అనుపాదిన్నఅనుపాదానియం ధమ్మం పటిచ్చ హేతు అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి.

నహేతుం అనుపాదిన్నఅనుపాదానియం ధమ్మం పటిచ్చ నహేతు అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి.

హేతుం అనుపాదిన్నఅనుపాదానియఞ్చ నహేతుం అనుపాదిన్నఅనుపాదానియఞ్చ ధమ్మం పటిచ్చ హేతు అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి (సంఖిత్తం).

౧౭౮. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, విపాకే నవ, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే నవ, విప్పయుత్తే నవ, అత్థియా నవ, నత్థియా నవ, విగతే నవ, అవిగతే నవ.

నఅధిపతిపచ్చయో

౧౭౯. హేతుం అనుపాదిన్నఅనుపాదానియం ధమ్మం పటిచ్చ హేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. హేతుం అనుపాదిన్నఅనుపాదానియం ధమ్మం పటిచ్చ నహేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. (౨)

నహేతుం అనుపాదిన్నఅనుపాదానియం ధమ్మం పటిచ్చ నహేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. నహేతుం అనుపాదిన్నఅనుపాదానియం ధమ్మం పటిచ్చ హేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. (౨)

హేతుం అనుపాదిన్నఅనుపాదానియఞ్చ నహేతుం అనుపాదిన్నఅనుపాదానియఞ్చ ధమ్మం పటిచ్చ హేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. హేతుం అనుపాదిన్నఅనుపాదానియఞ్చ నహేతుం అనుపాదిన్నఅనుపాదానియఞ్చ ధమ్మం పటిచ్చ నహేతు అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా. (౨) (సంఖిత్తం.)

౧౮౦. నఅధిపతియా ఛ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (సంఖిత్తం).

హేతుపచ్చయా నఅధిపతియా ఛ (సంఖిత్తం).

నఅధిపతిపచ్చయా హేతుయా ఛ (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)