౧-౬. పటిచ్చవారాది

పచ్చయచతుక్కం

హేతుపచ్చయో

౧౫౨. హేతుం ఉపాదిన్నుపాదానియం ధమ్మం పటిచ్చ హేతు ఉపాదిన్నుపాదానియో ధమ్మో ఉప్పజ్జతి హేతుపచ్చయా… తీణి.

నహేతుం ఉపాదిన్నుపాదానియం ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి హేతుపచ్చయా… తీణి.

హేతుం ఉపాదిన్నుపాదానియఞ్చ నహేతుం ఉపాదిన్నుపాదానియఞ్చ ధమ్మం పటిచ్చ హేతు ఉపాదిన్నుపాదానియో ధమ్మో ఉప్పజ్జతి హేతుపచ్చయా… తీణి (సంఖిత్తం).

౧౫౩. హేతుయా నవ, ఆరమ్మణే నవ, అనన్తరే నవ, సమనన్తరే నవ…పే… కమ్మే నవ, విపాకే నవ…పే… అవిగతే నవ (సంఖిత్తం).

నహేతుపచ్చయాది

౧౫౪. నహేతుం ఉపాదిన్నుపాదానియం ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి నహేతుపచ్చయా. (౧)

౧౫౫. హేతుం ఉపాదిన్నుపాదానియం ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి నఆరమ్మణపచ్చయా. (౧)

నహేతుం ఉపాదిన్నుపాదానియం ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి నఆరమ్మణపచ్చయా. (౧)

హేతుం ఉపాదిన్నుపాదానియఞ్చ నహేతుం ఉపాదిన్నుపాదానియఞ్చ ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి నఆరమ్మణపచ్చయా. (౧)

౧౫౬. హేతుం ఉపాదిన్నుపాదానియం ధమ్మం పటిచ్చ హేతు ఉపాదిన్నుపాదానియో ధమ్మో ఉప్పజ్జతి నఅధిపతిపచ్చయా… నవ…పే….

౧౫౭. నహేతుం ఉపాదిన్నుపాదానియం ధమ్మం పటిచ్చ నహేతు ఉపాదిన్నుపాదానియో ధమ్మో ఉప్పజ్జతి నవిపాకపచ్చయా… నఆహారపచ్చయా (సంఖిత్తం).

౧౫౮. నహేతుయా ఏకం, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నవిపాకే ఏకం, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి.

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)