౭. పఞ్హావారో

పచ్చయచతుక్కం

హేతుపచ్చయాది

౧౪౪. హేతు నేవవిపాకనవిపాకధమ్మధమ్మో హేతుస్స నేవవిపాకనవిపాకధమ్మధమ్మస్స హేతుపచ్చయేన పచ్చయో… తీణి…పే….

౧౪౫. హేతు నేవవిపాకనవిపాకధమ్మధమ్మో హేతుస్స నేవవిపాకనవిపాకధమ్మధమ్మస్స అధిపతిపచ్చయేన పచ్చయో – సహజాతాధిపతి… తీణి.

నహేతు నేవవిపాకనవిపాకధమ్మధమ్మో నహేతుస్స నేవవిపాకనవిపాకధమ్మధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి…పే….

పురేజాతపచ్చయాది

౧౪౬. నహేతు నేవవిపాకనవిపాకధమ్మధమ్మో నహేతుస్స నేవవిపాకనవిపాకధమ్మధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం… తీణి.

౧౪౭. హేతు నేవవిపాకనవిపాకధమ్మధమ్మో నహేతుస్స నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో. (౧)

నహేతు నేవవిపాకనవిపాకధమ్మధమ్మో నహేతుస్స నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో. (౧)

హేతు నేవవిపాకనవిపాకధమ్మధమ్మో చ నహేతు నేవవిపాకనవిపాకధమ్మధమ్మో చ నహేతుస్స నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో. (౧)

…ఆసేవనపచ్చయేన పచ్చయో… నవ.

౧౪౮. నహేతు నేవవిపాకనవిపాకధమ్మధమ్మో నహేతుస్స నేవవిపాకనవిపాకధమ్మధమ్మస్స కమ్మపచ్చయేన పచ్చయో… తీణి (సంఖిత్తం).

౧౪౯. హేతుయా తీణి, ఆరమ్మణే నవ, అధిపతియా ఛ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ.

పచ్చనీయుద్ధారో

౧౫౦. హేతు నేవవిపాకనవిపాకధమ్మధమ్మో హేతుస్స నేవవిపాకనవిపాకధమ్మధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౧౫౧. నహేతుయా నవ, నఆరమ్మణే నవ, నఅధిపతియా నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

హేతుదుకవిపాకత్తికం నిట్ఠితం.