౭. పఞ్హావారో

పచ్చయచతుక్కం

హేతుపచ్చయాది

౯౯. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో… తీణి.

౧౦౦. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… నవ.

౧౦౧. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

నహేతు అదుక్ఖమసుఖాయ వేదనాయ సమ్పయుత్తో ధమ్మో నహేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

హేతు అదుక్ఖమసుఖాయ వేదనాయ సమ్పయుత్తో చ నహేతు అదుక్ఖమసుఖాయ వేదనాయ సమ్పయుత్తో చ ధమ్మా హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి (ఆరమ్మణాధిపతియేవ)…పే….

ఉపనిస్సయపచ్చయాది

౧౦౨. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో… నవ, ఆసేవనపచ్చయేన పచ్చయో… నవ.

౧౦౩. నహేతు అదుక్ఖమసుఖాయ వేదనాయ సమ్పయుత్తో ధమ్మో నహేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స కమ్మపచ్చయేన పచ్చయో… తీణి.

౧౦౪. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స విపాకపచ్చయేన పచ్చయో… నవ…పే… అవిగతపచ్చయేన పచ్చయో… నవ.

౧౦౫. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (అనులోమం).

పచ్చనీయుద్ధారో

౧౦౬. హేతు అదుక్ఖమసుఖాయ వేదనాయ సమ్పయుత్తో ధమ్మో హేతుస్స అదుక్ఖమసుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౧౦౭. నహేతుయా నవ, నఆరమ్మణే నవ (సంఖిత్తం, పచ్చనీయం).

హేతుపచ్చయా నఆరమ్మణే తీణి (సంఖిత్తం, అనులోమపచ్చనీయం).

నహేతుపచ్చయా ఆరమ్మణే నవ (సంఖిత్తం, పచ్చనీయానులోమం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

హేతుదుకవేదనాత్తికం నిట్ఠితం.