౧-౬. పటిచ్చవారాది

పచ్చయచతుక్కం

హేతుపచ్చయో

౫౦౯. హేతుం అజ్ఝత్తం ధమ్మం పటిచ్చ హేతు అజ్ఝత్తో ధమ్మో ఉప్పజ్జతి హేతుపచ్చయా… తీణి.

నహేతుం అజ్ఝత్తం ధమ్మం పటిచ్చ నహేతు అజ్ఝత్తో ధమ్మో ఉప్పజ్జతి హేతుపచ్చయా… తీణి.

హేతుం అజ్ఝత్తఞ్చ నహేతుం అజ్ఝత్తఞ్చ ధమ్మం పటిచ్చ హేతు అజ్ఝత్తో ధమ్మో ఉప్పజ్జతి హేతుపచ్చయా… తీణి (సంఖిత్తం).

౫౧౦. హేతుయా నవ, ఆరమ్మణే నవ, అధిపతియా నవ…పే… కమ్మే నవ, విపాకే నవ, ఆహారే నవ…పే… అవిగతే నవ (సంఖిత్తం).

నహేతుపచ్చయాది

౫౧౧. నహేతుం అజ్ఝత్తం ధమ్మం పటిచ్చ నహేతు అజ్ఝత్తో ధమ్మో ఉప్పజ్జతి నహేతుపచ్చయా. నహేతుం అజ్ఝత్తం ధమ్మం పటిచ్చ హేతు అజ్ఝత్తో ధమ్మో ఉప్పజ్జతి నహేతుపచ్చయా. (౨)

హేతుం అజ్ఝత్తం ధమ్మం పటిచ్చ నహేతు అజ్ఝత్తో ధమ్మో ఉప్పజ్జతి నఆరమ్మణపచ్చయా. (౧)

నహేతుం అజ్ఝత్తం ధమ్మం పటిచ్చ నహేతు అజ్ఝత్తో ధమ్మో ఉప్పజ్జతి నఆరమ్మణపచ్చయా. (౧)

హేతుం అజ్ఝత్తఞ్చ నహేతుం అజ్ఝత్తఞ్చ ధమ్మం పటిచ్చ నహేతు అజ్ఝత్తో ధమ్మో ఉప్పజ్జతి నఆరమ్మణపచ్చయా. (౧)

హేతుం అజ్ఝత్తం ధమ్మం పటిచ్చ హేతు అజ్ఝత్తో ధమ్మో ఉప్పజ్జతి నఅధిపతిపచ్చయా (సంఖిత్తం).

౫౧౨. నహేతుయా ద్వే, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)