౧-౬. పటిచ్చవారాది

పచ్చయచతుక్కం

హేతుపచ్చయో

౪౯౩. హేతుం అనాగతారమ్మణం ధమ్మం పటిచ్చ హేతు అనాగతారమ్మణో ధమ్మో ఉప్పజ్జతి హేతుపచ్చయా… తీణి.

నహేతుం అనాగతారమ్మణం ధమ్మం పటిచ్చ నహేతు అనాగతారమ్మణో ధమ్మో ఉప్పజ్జతి హేతుపచ్చయా… తీణి.

హేతుం అనాగతారమ్మణఞ్చ నహేతుం అనాగతారమ్మణఞ్చ ధమ్మం పటిచ్చ హేతు అనాగతారమ్మణో ధమ్మో ఉప్పజ్జతి హేతుపచ్చయా… తీణి (సంఖిత్తం).

౪౯౪. హేతుయా నవ, ఆరమ్మణే నవ…పే… కమ్మే నవ…పే… అవిగతే నవ (సంఖిత్తం).

నహేతు-నఅధిపతిపచ్చయా

౪౯౫. నహేతుం అనాగతారమ్మణం ధమ్మం పటిచ్చ నహేతు అనాగతారమ్మణో ధమ్మో ఉప్పజ్జతి నహేతుపచ్చయా. నహేతుం అనాగతారమ్మణం ధమ్మం పటిచ్చ హేతు అనాగతారమ్మణో ధమ్మో ఉప్పజ్జతి నహేతుపచ్చయా. (౨)

హేతుం అనాగతారమ్మణం ధమ్మం పటిచ్చ హేతు అనాగతారమ్మణో ధమ్మో ఉప్పజ్జతి నఅధిపతిపచ్చయా (సంఖిత్తం).

౪౯౬. నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)