౭. పఞ్హావారో

పచ్చయచతుక్కం

హేతుపచ్చయాది

౪౮౧. హేతు పచ్చుప్పన్నో ధమ్మో హేతుస్స పచ్చుప్పన్నస్స ధమ్మస్స హేతుపచ్చయేన పచ్చయో… తీణి.

నహేతు పచ్చుప్పన్నో ధమ్మో నహేతుస్స పచ్చుప్పన్నస్స ధమ్మస్స ఆరమ్మణపచ్చయేన పచ్చయో… తీణి.

హేతు పచ్చుప్పన్నో ధమ్మో హేతుస్స పచ్చుప్పన్నస్స ధమ్మస్స అధిపతిపచ్చయేన పచ్చయో – సహజాతాధిపతి… తీణి.

నహేతు పచ్చుప్పన్నో ధమ్మో నహేతుస్స పచ్చుప్పన్నస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

హేతు పచ్చుప్పన్నో ధమ్మో హేతుస్స పచ్చుప్పన్నస్స ధమ్మస్స సహజాతపచ్చయేన పచ్చయో (సంఖిత్తం).

౪౮౨. హేతుయా తీణి, ఆరమ్మణే తీణి, అధిపతియా ఛ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, విప్పయుత్తే పఞ్చ, అత్థియా నవ, అవిగతే నవ (సంఖిత్తం).

పచ్చనీయుద్ధారో

౪౮౩. హేతు పచ్చుప్పన్నో ధమ్మో హేతుస్స పచ్చుప్పన్నస్స ధమ్మస్స సహజాతపచ్చయేన పచ్చయో (సంఖిత్తం).

౪౮౪. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే తీణి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం. ఇమమ్హి దుకతికే పటిచ్చవారమ్పి సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి అతీతమ్పి అనాగతమ్పి నత్థి.)

హేతుదుకఅతీతత్తికం నిట్ఠితం.