౭. పఞ్హావారో

పచ్చయచతుక్కం

హేతుపచ్చయో

౮౮. హేతు దుక్ఖాయ వేదనాయ సమ్పయుత్తో ధమ్మో హేతుస్స దుక్ఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. హేతు దుక్ఖాయ వేదనాయ సమ్పయుత్తో ధమ్మో నహేతుస్స దుక్ఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. హేతు దుక్ఖాయ వేదనాయ సమ్పయుత్తో ధమ్మో హేతుస్స దుక్ఖాయ వేదనాయ సమ్పయుత్తస్స చ నహేతుస్స దుక్ఖాయ వేదనాయ సమ్పయుత్తస్స చ ధమ్మస్స హేతుపచ్చయేన పచ్చయో. (౩)

ఆరమ్మణపచ్చయాది

౮౯. హేతు దుక్ఖాయ వేదనాయ సమ్పయుత్తో ధమ్మో హేతుస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.

నహేతు దుక్ఖాయ వేదనాయ సమ్పయుత్తో ధమ్మో నహేతుస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.

హేతు దుక్ఖాయ వేదనాయ సమ్పయుత్తో చ నహేతు దుక్ఖాయ వేదనాయ సమ్పయుత్తో చ ధమ్మా హేతుస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).

౯౦. నహేతు దుక్ఖాయ వేదనాయ సమ్పయుత్తో ధమ్మో నహేతుస్స దుక్ఖాయ వేదనాయ సమ్పయుత్తస్స ధమ్మస్స కమ్మపచ్చయేన పచ్చయో… తీణి (సంఖిత్తం).

౯౧. హేతుయా తీణి, ఆరమ్మణే నవ, అధిపతియా తీణి, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, విపాకే ఏకం, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (అనులోమం).

పచ్చనీయుద్ధారో

౯౨. హేతు దుక్ఖాయ వేదనాయ సమ్పయుత్తో ధమ్మో హేతుస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౯౩. నహేతుయా నవ, నఆరమ్మణే నవ, నఅధిపతియా నవ (సంఖిత్తం, పచ్చనీయం).

హేతుపచ్చయా నఆరమ్మణే తీణి (సంఖిత్తం, అనులోమపచ్చనీయం).

నహేతుపచ్చయా ఆరమ్మణే నవ (సంఖిత్తం, పచ్చనీయానులోమం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)