౧-౬. పటిచ్చవారాది

౪౫౩. హేతుం మగ్గారమ్మణం ధమ్మం పటిచ్చ హేతు మగ్గారమ్మణో ధమ్మో ఉప్పజ్జతి హేతుపచ్చయా… తీణి.

నహేతుం మగ్గారమ్మణం ధమ్మం పటిచ్చ నహేతు మగ్గారమ్మణో ధమ్మో ఉప్పజ్జతి హేతుపచ్చయా… తీణి.

హేతుం మగ్గారమ్మణఞ్చ నహేతుం మగ్గారమ్మణఞ్చ ధమ్మం పటిచ్చ హేతు మగ్గారమ్మణో ధమ్మో ఉప్పజ్జతి హేతుపచ్చయా… తీణి (సంఖిత్తం).

౪౫౪. హేతుయా నవ, ఆరమ్మణే నవ, అధిపతియా నవ…పే… కమ్మే నవ…పే… అవిగతే నవ (సంఖిత్తం).

౪౫౫. నహేతుం మగ్గారమ్మణం ధమ్మం పటిచ్చ నహేతు మగ్గారమ్మణో ధమ్మో ఉప్పజ్జతి నహేతుపచ్చయా (సంఖిత్తం).

౪౫౬. నహేతుయా ఏకం, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)