౭. పఞ్హావారో

పచ్చయచతుక్కం

హేతుపచ్చయాది

౪౪౯. హేతు అనియతో ధమ్మో హేతుస్స అనియతస్స ధమ్మస్స హేతుపచ్చయేన పచ్చయో… తీణి.

హేతు అనియతో ధమ్మో హేతుస్స అనియతస్స ధమ్మస్స ఆరమ్మణపచ్చయేన పచ్చయో… నవ.

హేతు అనియతో ధమ్మో హేతుస్స అనియతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

నహేతు అనియతో ధమ్మో నహేతుస్స అనియతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

హేతు అనియతో చ నహేతు అనియతో చ ధమ్మా హేతుస్స అనియతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి (సంఖిత్తం).

౪౫౦. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ.

పచ్చనీయుద్ధారో

౪౫౧. హేతు అనియతో ధమ్మో హేతుస్స అనియతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౪౫౨. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

హేతుదుకమిచ్ఛత్తనియతత్తికం నిట్ఠితం.