౭. పఞ్హావారో

పచ్చయచతుక్కం

హేతు-అధిపతిపచ్చయా

౪౪౧. హేతు సమ్మత్తనియతో ధమ్మో హేతుస్స సమ్మత్తనియతస్స ధమ్మస్స హేతుపచ్చయేన పచ్చయో… తీణి.

హేతు సమ్మత్తనియతో ధమ్మో హేతుస్స సమ్మత్తనియతస్స ధమ్మస్స అధిపతిపచ్చయేన పచ్చయో – సహజాతాధిపతి… తీణి.

నహేతు సమ్మత్తనియతో ధమ్మో నహేతుస్స సమ్మత్తనియతస్స ధమ్మస్స అధిపతిపచ్చయేన పచ్చయో – సహజాతాధిపతి… తీణి (సంఖిత్తం).

౪౪౨. హేతుయా తీణి, అధిపతియా ఛ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, కమ్మే తీణి, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ, అవిగతే నవ (సంఖిత్తం).

పచ్చనీయుద్ధారో

౪౪౩. హేతు సమ్మత్తనియతో ధమ్మో హేతుస్స సమ్మత్తనియతస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౪౪౪. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా అధిపతియా తీణి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)