౭. పఞ్హావారో
పచ్చయచతుక్కం
హేతుపచ్చయో
౭౪. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో… తీణి.
ఆరమ్మణపచ్చయాది
౭౫. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.
నహేతు సుఖాయ వేదనాయ సమ్పయుత్తో ధమ్మో నహేతుస్స సుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.
హేతు సుఖాయ వేదనాయ సమ్పయుత్తో చ నహేతు సుఖాయ వేదనాయ సమ్పయుత్తో చ ధమ్మా హేతుస్స సుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.
౭౬. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.
నహేతు సుఖాయ వేదనాయ సమ్పయుత్తో ధమ్మో నహేతుస్స సుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.
హేతు సుఖాయ వేదనాయ సమ్పయుత్తో చ నహేతు సుఖాయ వేదనాయ సమ్పయుత్తో చ ధమ్మా హేతుస్స సుఖాయ వేదనాయ సమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి…పే….
ఉపనిస్సయపచ్చయాది
౭౭. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో… నవ (సంఖిత్తం).
౭౮. నహేతు సుఖాయ వేదనాయ సమ్పయుత్తో ధమ్మో నహేతుస్స సుఖాయ వేదనాయ సమ్పయుత్తస్స ధమ్మస్స కమ్మపచ్చయేన పచ్చయో. నహేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స కమ్మపచ్చయేన పచ్చయో. నహేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స చ నహేతుస్స సుఖాయ వేదనాయ సమ్పయుత్తస్స చ ధమ్మస్స కమ్మపచ్చయేన పచ్చయో. (౩)
…విపాకపచ్చయేన పచ్చయో.
౭౯. నహేతు సుఖాయ వేదనాయ సమ్పయుత్తో ధమ్మో నహేతుస్స సుఖాయ వేదనాయ సమ్పయుత్తస్స ధమ్మస్స ఆహారపచ్చయేన పచ్చయో… తీణి…పే…. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స అవిగతపచ్చయేన పచ్చయో.
౮౦. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ.
పచ్చనీయుద్ధారో
౮౧. హేతు సుఖాయ వేదనాయ సమ్పయుత్తో ధమ్మో హేతుస్స సుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).
౮౨. నహేతుయా నవ, నఆరమ్మణే నవ…పే… నోఅవిగతే నవ (పచ్చనీయం).
హేతుపచ్చయా నఆరమ్మణే తీణి (సంఖిత్తం, అనులోమపచ్చనీయం).
నహేతుపచ్చయా ఆరమ్మణే నవ (సంఖిత్తం, పచ్చనీయానులోమం).
(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)