౧-౬. పటిచ్చవారాది

పచ్చయచతుక్కం

హేతుపచ్చయో

౩౯౭. హేతుం అప్పమాణారమ్మణం ధమ్మం పటిచ్చ హేతు అప్పమాణారమ్మణో ధమ్మో ఉప్పజ్జతి హేతుపచ్చయా… తీణి.

నహేతుం అప్పమాణారమ్మణం ధమ్మం పటిచ్చ నహేతు అప్పమాణారమ్మణో ధమ్మో ఉప్పజ్జతి హేతుపచ్చయా… తీణి.

హేతుం అప్పమాణారమ్మణఞ్చ నహేతుం అప్పమాణారమ్మణఞ్చ ధమ్మం పటిచ్చ హేతు అప్పమాణారమ్మణో ధమ్మో ఉప్పజ్జతి హేతుపచ్చయా… తీణి (సంఖిత్తం).

౩౯౮. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, విపాకే నవ…పే… అవిగతే నవ (సంఖిత్తం).

నహేతుపచ్చయో

౩౯౯. నహేతుం అప్పమాణారమ్మణం ధమ్మం పటిచ్చ నహేతు అప్పమాణారమ్మణో ధమ్మో ఉప్పజ్జతి నహేతుపచ్చయా (సంఖిత్తం).

౪౦౦. నహేతుయా ఏకం, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)