౭. పఞ్హావారో

పచ్చయచతుక్కం

హేతుపచ్చయాది

౩౭౫. హేతు అప్పమాణో ధమ్మో హేతుస్స అప్పమాణస్స ధమ్మస్స హేతుపచ్చయేన పచ్చయో… తీణి.

నహేతు అప్పమాణో ధమ్మో నహేతుస్స అప్పమాణస్స ధమ్మస్స ఆరమ్మణపచ్చయేన పచ్చయో… తీణి.

౩౭౬. హేతు అప్పమాణో ధమ్మో హేతుస్స అప్పమాణస్స ధమ్మస్స అధిపతిపచ్చయేన పచ్చయో – సహజాతాధిపతి… తీణి.

నహేతు అప్పమాణో ధమ్మో నహేతుస్స అప్పమాణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

౩౭౭. హేతు అప్పమాణో ధమ్మో హేతుస్స అప్పమాణస్స ధమ్మస్స అనన్తరపచ్చయేన పచ్చయో… నవ…పే….

హేతు అప్పమాణో ధమ్మో హేతుస్స అప్పమాణస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో… నవ (సంఖిత్తం).

౩౭౮. హేతుయా తీణి, ఆరమ్మణే తీణి, అధిపతియా ఛ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (సంఖిత్తం).

పచ్చనీయుద్ధారో

౩౭౯. హేతు అప్పమాణో ధమ్మో హేతుస్స అప్పమాణస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౩౮౦. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే తీణి (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)

హేతుదుకపరిత్తత్తికం నిట్ఠితం.