౧-౬. పటిచ్చవారాది

పచ్చయచతుక్కం

హేతుపచ్చయో

౩౫౫. హేతుం పరిత్తం ధమ్మం పటిచ్చ హేతు పరిత్తో ధమ్మో ఉప్పజ్జతి హేతుపచ్చయా… తీణి.

నహేతుం పరిత్తం ధమ్మం పటిచ్చ నహేతు పరిత్తో ధమ్మో ఉప్పజ్జతి హేతుపచ్చయా… తీణి.

హేతుం పరిత్తఞ్చ నహేతుం పరిత్తఞ్చ ధమ్మం పటిచ్చ హేతు పరిత్తో ధమ్మో ఉప్పజ్జతి హేతుపచ్చయా… తీణి (సంఖిత్తం).

౩౫౬. హేతుయా నవ, ఆరమ్మణే నవ, అధిపతియా నవ…పే… అవిగతే నవ (సంఖిత్తం).

నహేతునఆరమ్మణపచ్చయాది

౩౫౭. నహేతుం పరిత్తం ధమ్మం పటిచ్చ నహేతు పరిత్తో ధమ్మో ఉప్పజ్జతి నహేతుపచ్చయా. నహేతుం పరిత్తం ధమ్మం పటిచ్చ హేతు పరిత్తో ధమ్మో ఉప్పజ్జతి నహేతుపచ్చయా. (౨)

హేతుం పరిత్తం ధమ్మం పటిచ్చ నహేతు పరిత్తో ధమ్మో ఉప్పజ్జతి నఆరమ్మణపచ్చయా. (౧)

నహేతుం పరిత్తం ధమ్మం పటిచ్చ నహేతు పరిత్తో ధమ్మో ఉప్పజ్జతి నఆరమ్మణపచ్చయా. (౧)

హేతుం పరిత్తఞ్చ నహేతుం పరిత్తఞ్చ ధమ్మం పటిచ్చ నహేతు పరిత్తో ధమ్మో ఉప్పజ్జతి నఆరమ్మణపచ్చయా. (౧)

హేతుం పరిత్తం ధమ్మం పటిచ్చ హేతు పరిత్తో ధమ్మో ఉప్పజ్జతి నఅధిపతిపచ్చయా (సంఖిత్తం).

౩౫౮. నహేతుయా ద్వే, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)