౭. పఞ్హావారో

పచ్చయచతుక్కం

హేతుపచ్చయాది

౩౫౧. హేతు నేవసేక్ఖనాసేక్ఖో ధమ్మో హేతుస్స నేవసేక్ఖనాసేక్ఖస్స ధమ్మస్స హేతుపచ్చయేన పచ్చయో… తీణి.

హేతు నేవసేక్ఖనాసేక్ఖో ధమ్మో హేతుస్స నేవసేక్ఖనాసేక్ఖస్స ధమ్మస్స ఆరమ్మణపచ్చయేన పచ్చయో… నవ.

హేతు నేవసేక్ఖనాసేక్ఖో ధమ్మో హేతుస్స నేవసేక్ఖనాసేక్ఖస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… నవ…పే….

నహేతు నేవసేక్ఖనాసేక్ఖో ధమ్మో నహేతుస్స నేవసేక్ఖనాసేక్ఖస్స ధమ్మస్స పురేజాతపచ్చయేన పచ్చయో (సంఖిత్తం).

౩౫౨. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ (సంఖిత్తం).

పచ్చనీయుద్ధారో

౩౫౩. హేతు నేవసేక్ఖనాసేక్ఖో ధమ్మో హేతుస్స నేవసేక్ఖనాసేక్ఖస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౩౫౪. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం ఏవం గణేతబ్బం.)

హేతుదుకసేక్ఖత్తికం నిట్ఠితం.