౧-౬. పటిచ్చవారాది

పచ్చయచతుక్కం

హేతుపచ్చయో

౩౩౦. హేతుం సేక్ఖం ధమ్మం పటిచ్చ హేతు సేక్ఖో ధమ్మో ఉప్పజ్జతి హేతుపచ్చయా… తీణి.

నహేతుం సేక్ఖం ధమ్మం పటిచ్చ నహేతు సేక్ఖో ధమ్మో ఉప్పజ్జతి హేతుపచ్చయా… తీణి.

హేతుం సేక్ఖఞ్చ నహేతుం సేక్ఖఞ్చ ధమ్మం పటిచ్చ హేతు సేక్ఖో ధమ్మో ఉప్పజ్జతి హేతుపచ్చయా… తీణి (సంఖిత్తం).

౩౩౧. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, విపాకే నవ, ఆహారే నవ…పే… అవిగతే నవ (సంఖిత్తం).

నఅధిపతిపచ్చయో

౩౩౨. హేతుం సేక్ఖం ధమ్మం పటిచ్చ హేతు సేక్ఖో ధమ్మో ఉప్పజ్జతి నఅధిపతిపచ్చయా (సంఖిత్తం).

౩౩౩. నఅధిపతియా ఛ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ.

హేతుపచ్చయా నఅధిపతియా ఛ (సంఖిత్తం).

నఅధిపతిపచ్చయా హేతుయా ఛ (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)