౨. సఙ్ఖ్యావారో

౩౨౩. హేతుయా చత్తారి, ఆరమ్మణే తీణి, అధిపతియా పఞ్చ, అనన్తరే తీణి, సమనన్తరే తీణి, సహజాతే పఞ్చ, అఞ్ఞమఞ్ఞే ద్వే, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే ద్వే, కమ్మే చత్తారి, విపాకే ఏకం, ఆహారే చత్తారి, ఇన్ద్రియే చత్తారి, ఝానే చత్తారి, మగ్గే చత్తారి, సమ్పయుత్తే ద్వే, విప్పయుత్తే తీణి, అత్థియా సత్త, నత్థియా తీణి, విగతే తీణి, అవిగతే సత్త.

అనులోమం.

పచ్చనీయుద్ధారో

౩౨౪. నియ్యానికో ధమ్మో నియ్యానికస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. నియ్యానికో ధమ్మో అనియ్యానికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. నియ్యానికో ధమ్మో నియ్యానికస్స చ అనియ్యానికస్స చ ధమ్మస్స సహజాతపచ్చయేన పచ్చయో. (౩)

౩౨౫. అనియ్యానికో ధమ్మో అనియ్యానికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. అనియ్యానికో ధమ్మో నియ్యానికస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

నియ్యానికో చ అనియ్యానికో చ ధమ్మా నియ్యానికస్స ధమ్మస్స సహజాతం, పురేజాతం. నియ్యానికో చ అనియ్యానికో చ ధమ్మా అనియ్యానికస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౩)