౧. విభఙ్గవారో

నహేతు-నఆరమ్మణపచ్చయా

౩౦౨. అనియ్యానికం ధమ్మం పటిచ్చ అనియ్యానికో ధమ్మో ఉప్పజ్జతి నహేతుపచ్చయా – అహేతుకం అనియ్యానికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే… (యావ అసఞ్ఞసత్తా) విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧) నఆరమ్మణపచ్చయా… తీణి.

నఅధిపతిపచ్చయాది

౩౦౩. నియ్యానికం ధమ్మం పటిచ్చ నియ్యానికో ధమ్మో ఉప్పజ్జతి నఅధిపతిపచ్చయా – నియ్యానికే ఖన్ధే పటిచ్చ నియ్యానికాధిపతి. (౧)

అనియ్యానికం ధమ్మం పటిచ్చ అనియ్యానికో ధమ్మో ఉప్పజ్జతి నఅధిపతిపచ్చయా – అనియ్యానికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అసఞ్ఞసత్తా కాతబ్బా). (౧)

నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా…పే….

నపురేజాతపచ్చయో

౩౦౪. నియ్యానికం ధమ్మం పటిచ్చ నియ్యానికో ధమ్మో ఉప్పజ్జతి నపురేజాతపచ్చయా – అరూపే నియ్యానికం ఏకం ఖన్ధం…పే…. నియ్యానికం ధమ్మం పటిచ్చ అనియ్యానికో ధమ్మో ఉప్పజ్జతి నపురేజాతపచ్చయా – నియ్యానికే ఖన్ధే పటిచ్చ చిత్తసముట్ఠానం రూపం. (౨)

అనియ్యానికం ధమ్మం పటిచ్చ అనియ్యానికో ధమ్మో ఉప్పజ్జతి నపురేజాతపచ్చయా – అరూపే అనియ్యానికం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అనియ్యానికే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే… (యావ అసఞ్ఞసత్తా). (౧)

నియ్యానికఞ్చ అనియ్యానికఞ్చ ధమ్మం పటిచ్చ అనియ్యానికో ధమ్మో ఉప్పజ్జతి నపురేజాతపచ్చయా – నియ్యానికే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)