౧. విభఙ్గవారో

నహేతు-నఆరమ్మణపచ్చయా

౨౬౮. నఅరూపావచరం ధమ్మం పటిచ్చ నఅరూపావచరో ధమ్మో ఉప్పజ్జతి నహేతుపచ్చయా – అహేతుకం నఅరూపావచరం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం …పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧) నఆరమ్మణపచ్చయా… తీణి.

నఅధిపతిపచ్చయాది

౨౬౯. అరూపావచరం ధమ్మం పటిచ్చ అరూపావచరో ధమ్మో ఉప్పజ్జతి నఅధిపతిపచ్చయా – అరూపావచరే ఖన్ధే పటిచ్చ అరూపావచరాధిపతి, విపాకం అరూపావచరం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

నఅరూపావచరం ధమ్మం పటిచ్చ నఅరూపావచరో ధమ్మో ఉప్పజ్జతి నఅధిపతిపచ్చయా – నఅరూపావచరం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే …పే… పటిసన్ధిక్ఖణే…పే… (యావ అసఞ్ఞసత్తా). (౧) నఅనన్తరపచ్చయా…పే… నఉపనిస్సయపచ్చయా.

నపురేజాతపచ్చయాది

౨౭౦. అరూపావచరం ధమ్మం పటిచ్చ అరూపావచరో ధమ్మో ఉప్పజ్జతి నపురేజాతపచ్చయా – అరూపే అరూపావచరం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (మూలం కాతబ్బం.) అరూపావచరే ఖన్ధే పటిచ్చ చిత్తసముట్ఠానం రూపం. (౨)

నఅరూపావచరం ధమ్మం పటిచ్చ నఅరూపావచరో ధమ్మో ఉప్పజ్జతి నపురేజాతపచ్చయా – అరూపే నఅరూపావచరం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… (యావ అసఞ్ఞసత్తా). (౧)

అరూపావచరఞ్చ నఅరూపావచరఞ్చ ధమ్మం పటిచ్చ నఅరూపావచరో ధమ్మో ఉప్పజ్జతి నపురేజాతపచ్చయా – అరూపావచరే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧) నపచ్ఛాజాతపచ్చయా….

నఆసేవనపచ్చయో

౨౭౧. అరూపావచరం ధమ్మం పటిచ్చ అరూపావచరో ధమ్మో ఉప్పజ్జతి నఆసేవనపచ్చయా – విపాకం అరూపావచరం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. అరూపావచరం ధమ్మం పటిచ్చ నఅరూపావచరో ధమ్మో ఉప్పజ్జతి నఆసేవనపచ్చయా – అరూపావచరే ఖన్ధే పటిచ్చ చిత్తసముట్ఠానం రూపం. (౨)

నఅరూపావచరం ధమ్మం పటిచ్చ నఅరూపావచరో ధమ్మో ఉప్పజ్జతి నఆసేవనపచ్చయా – నఅరూపావచరం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… (యావ అసఞ్ఞసత్తా). (౧)

అరూపావచరఞ్చ నఅరూపావచరఞ్చ ధమ్మం పటిచ్చ నఅరూపావచరో ధమ్మో ఉప్పజ్జతి నఆసేవనపచ్చయా – అరూపావచరే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧) (సంఖిత్తం.)