౧. విభఙ్గవారో

నహేతుపచ్చయో

౨౪౦. నరూపావచరం ధమ్మం పచ్చయా నరూపావచరో ధమ్మో ఉప్పజ్జతి నహేతుపచ్చయా – అహేతుకం నరూపావచరం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా నరూపావచరా ఖన్ధా, విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧) (సంఖిత్తం.)

నఅధిపతిపచ్చయో

౨౪౧. రూపావచరం ధమ్మం పచ్చయా రూపావచరో ధమ్మో ఉప్పజ్జతి నఅధిపతిపచ్చయా… తీణి (పటిచ్చవారసదిసం).

నరూపావచరం ధమ్మం పచ్చయా నరూపావచరో ధమ్మో ఉప్పజ్జతి నఅధిపతిపచ్చయా (పటిచ్చవారసదిసం). నరూపావచరం ధమ్మం పచ్చయా రూపావచరో ధమ్మో ఉప్పజ్జతి నఅధిపతిపచ్చయా – వత్థుం పచ్చయా రూపావచరాధిపతి, వత్థుం పచ్చయా విపాకా రూపావచరా ఖన్ధా; పటిసన్ధిక్ఖణే…పే…. నరూపావచరం ధమ్మం పచ్చయా రూపావచరో చ నరూపావచరో చ ధమ్మా ఉప్పజ్జన్తి నఅధిపతిపచ్చయా – వత్థుం పచ్చయా విపాకా రూపావచరా ఖన్ధా, మహాభూతే పచ్చయా చిత్తసముట్ఠానం రూపం; పటిసన్ధిక్ఖణే…పే…. (౩)

౨౪౨. రూపావచరఞ్చ నరూపావచరఞ్చ ధమ్మం పచ్చయా రూపావచరో ధమ్మో ఉప్పజ్జతి నఅధిపతిపచ్చయా – రూపావచరే ఖన్ధే చ వత్థుఞ్చ పచ్చయా రూపావచరాధిపతి, విపాకం రూపావచరం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే… పటిసన్ధిక్ఖణే రూపావచరం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే…. రూపావచరఞ్చ నరూపావచరఞ్చ ధమ్మం పచ్చయా నరూపావచరో ధమ్మో ఉప్పజ్జతి నఅధిపతిపచ్చయా – విపాకే రూపావచరే ఖన్ధే చ మహాభూతే చ పచ్చయా చిత్తసముట్ఠానం రూపం; పటిసన్ధిక్ఖణే…పే…. రూపావచరఞ్చ నరూపావచరఞ్చ ధమ్మం పచ్చయా రూపావచరో చ నరూపావచరో చ ధమ్మా ఉప్పజ్జన్తి నఅధిపతిపచ్చయా – విపాకం రూపావచరం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే… విపాకే రూపావచరే ఖన్ధే చ మహాభూతే చ పచ్చయా చిత్తసముట్ఠానం రూపం; పటిసన్ధిక్ఖణే…పే…. (౩) (సంఖిత్తం.)