౧. విభఙ్గవారో

హేతుపచ్చయో

౨౨౬. రూపావచరం ధమ్మం పటిచ్చ రూపావచరో ధమ్మో ఉప్పజ్జతి హేతుపచ్చయా – రూపావచరం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. రూపావచరం ధమ్మం పటిచ్చ నరూపావచరో ధమ్మో ఉప్పజ్జతి హేతుపచ్చయా – రూపావచరే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే…. రూపావచరం ధమ్మం పటిచ్చ రూపావచరో చ నరూపావచరో చ ధమ్మా ఉప్పజ్జన్తి హేతుపచ్చయా – రూపావచరం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే…. (౩)

౨౨౭. నరూపావచరం ధమ్మం పటిచ్చ నరూపావచరో ధమ్మో ఉప్పజ్జతి హేతుపచ్చయా – నరూపావచరం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే …పే… ఏకం మహాభూతం…పే…. నరూపావచరం ధమ్మం పటిచ్చ రూపావచరో ధమ్మో ఉప్పజ్జతి హేతుపచ్చయా – పటిసన్ధిక్ఖణే వత్థుం పటిచ్చ రూపావచరా ఖన్ధా. నరూపావచరం ధమ్మం పటిచ్చ రూపావచరో చ నరూపావచరో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే వత్థుం పటిచ్చ రూపావచరా ఖన్ధా, మహాభూతే పటిచ్చ కటత్తారూపం. (౩)

౨౨౮. రూపావచరఞ్చ నరూపావచరఞ్చ ధమ్మం పటిచ్చ రూపావచరో ధమ్మో ఉప్పజ్జతి హేతుపచ్చయా – పటిసన్ధిక్ఖణే రూపావచరం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే చ…పే…. రూపావచరఞ్చ నరూపావచరఞ్చ ధమ్మం పటిచ్చ నరూపావచరో ధమ్మో ఉప్పజ్జతి హేతుపచ్చయా – రూపావచరే ఖన్ధే చ మహాభూతే చ పటిచ్చ చిత్తసముట్ఠానం రూపం; పటిసన్ధిక్ఖణే రూపావచరే ఖన్ధే చ మహాభూతే చ పటిచ్చ కటత్తారూపం. రూపావచరఞ్చ నరూపావచరఞ్చ ధమ్మం పటిచ్చ రూపావచరో చ నరూపావచరో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే రూపావచరం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే చ…పే… రూపావచరే ఖన్ధే చ మహాభూతే చ పటిచ్చ కటత్తారూపం (సంఖిత్తం). (౩)