౧. విభఙ్గవారో

హేతుపచ్చయో

౨౦౬. కామావచరో ధమ్మో కామావచరస్స ధమ్మస్స హేతుపచ్చయేన పచ్చయో – కామావచరా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

నకామావచరో ధమ్మో నకామావచరస్స ధమ్మస్స హేతుపచ్చయేన పచ్చయో – నకామావచరా హేతూ సమ్పయుత్తకానం ఖన్ధానం హేతుపచ్చయేన పచ్చయో; పటిసన్ధిక్ఖణే…పే…. నకామావచరో ధమ్మో కామావచరస్స ధమ్మస్స హేతుపచ్చయేన పచ్చయో – నకామావచరా హేతూ చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం.) నకామావచరా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౩)

ఆరమ్మణపచ్చయో

౨౦౭. కామావచరో ధమ్మో కామావచరస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం…పే… పుబ్బే సుచిణ్ణాని పచ్చవేక్ఖతి అస్సాదేతి అభినన్దతి, తం ఆరబ్భ రాగో…పే… దోమనస్సం ఉప్పజ్జతి; అరియా గోత్రభుం పచ్చవేక్ఖన్తి, వోదానం పచ్చవేక్ఖన్తి; పహీనే కిలేసే…పే… విక్ఖమ్భితే కిలేసే…పే… పుబ్బే సుచిణ్ణాని…పే… చక్ఖుం…పే… వత్థుం కామావచరే ఖన్ధే అనిచ్చతో…పే… దోమనస్సం ఉప్పజ్జతి; రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. (౧)

కామావచరో ధమ్మో నకామావచరస్స ధమ్మస్స ఆరమ్మణపచ్చయేన పచ్చయో – దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన కామావచరచిత్తసమఙ్గిస్స చిత్తం జానాతి, కామావచరా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. (౨)

౨౦౮. నకామావచరో ధమ్మో నకామావచరస్స ధమ్మస్స ఆరమ్మణపచ్చయేన పచ్చయో – నిబ్బానం మగ్గస్స, ఫలస్స ఆరమ్మణపచ్చయేన పచ్చయో; చేతోపరియఞాణేన నకామావచరచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… నకామావచరా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. (౧)

నకామావచరో ధమ్మో కామావచరస్స ధమ్మస్స ఆరమ్మణపచ్చయేన పచ్చయో – ఝానా వుట్ఠహిత్వా ఝానం పచ్చవేక్ఖతి అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి…పే… అరియా మగ్గా వుట్ఠహిత్వా మగ్గం పచ్చవేక్ఖన్తి; ఫలం…పే… నిబ్బానం పచ్చవేక్ఖన్తి, నిబ్బానం గోత్రభుస్స, వోదానస్స, ఆవజ్జనాయ ఆరమ్మణపచ్చయేన పచ్చయో; ఆకాసానఞ్చాయతనం పచ్చవేక్ఖతి, విఞ్ఞాణఞ్చాయతనం పచ్చవేక్ఖతి, ఆకిఞ్చఞ్ఞాయతనం పచ్చవేక్ఖతి, నేవసఞ్ఞానాసఞ్ఞాయతనం పచ్చవేక్ఖతి, దిబ్బం చక్ఖుం పచ్చవేక్ఖతి, దిబ్బం సోతధాతుం పచ్చవేక్ఖతి, ఇద్ధివిధఞాణం పచ్చవేక్ఖతి, చేతోపరియఞాణం…పే… పుబ్బేనివాసానుస్సతిఞాణం…పే… యథాకమ్మూపగఞాణం…పే… అనాగతంసఞాణం పచ్చవేక్ఖతి, నకామావచరే ఖన్ధే అనిచ్చతో…పే… దోమనస్సం ఉప్పజ్జతి. (౨)

అధిపతిపచ్చయో

౨౦౯. కామావచరో ధమ్మో కామావచరస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే సుచిణ్ణాని గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, సేక్ఖా గోత్రభుం గరుం కత్వా పచ్చవేక్ఖన్తి, వోదానం గరుం కత్వా పచ్చవేక్ఖన్తి, చక్ఖుం…పే… వత్థుం కామావచరే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – కామావచరాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

౨౧౦. నకామావచరో ధమ్మో నకామావచరస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – నిబ్బానం మగ్గస్స, ఫలస్స అధిపతిపచ్చయేన పచ్చయో. సహజాతాధిపతి – నకామావచరాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. నకామావచరో ధమ్మో కామావచరస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – ఝానా వుట్ఠహిత్వా ఝానం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి, ఫలం…పే… నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స అధిపతిపచ్చయేన పచ్చయో; ఆకాసానఞ్చాయతనం గరుం కత్వా పచ్చవేక్ఖతి విఞ్ఞాణఞ్చాయతనం…పే… ఆకిఞ్చఞ్ఞాయతనం…పే… నేవసఞ్ఞానాసఞ్ఞాయతనం గరుం కత్వా పచ్చవేక్ఖతి, దిబ్బం చక్ఖుం…పే… దిబ్బం సోతధాతుం…పే… ఇద్ధివిధఞాణం…పే… అనాగతంసఞాణం గరుం కత్వా పచ్చవేక్ఖతి, నకామావచరే ఖన్ధే గరుం కత్వా అస్సాదేతి అభినన్దతి తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నకామావచరాధిపతి చిత్తసముట్ఠానానం రూపానం అధిపతిపచ్చయేన పచ్చయో; నకామావచరో ధమ్మో కామావచరస్స చ నకామావచరస్స చ ధమ్మస్స అధిపతిపచ్చయేన పచ్చయో. సహజాతాధిపతి – నకామావచరాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

అనన్తరపచ్చయాది

౨౧౧. కామావచరో ధమ్మో కామావచరస్స ధమ్మస్స అనన్తరపచ్చయేన పచ్చయో – పురిమా పురిమా కామావచరా ఖన్ధా పచ్ఛిమానం పచ్ఛిమానం కామావచరానం ఖన్ధానం అనన్తరపచ్చయేన పచ్చయో; అనులోమం గోత్రభుస్స… అనులోమం వోదానస్స… ఆవజ్జనా కామావచరానం ఖన్ధానం అనన్తరపచ్చయేన పచ్చయో.

కామావచరో ధమ్మో నకామావచరస్స ధమ్మస్స అనన్తరపచ్చయేన పచ్చయో – కామావచరం చుతిచిత్తం నకామావచరస్స ఉపపత్తిచిత్తస్స… ఆవజ్జనా నకామావచరానం ఖన్ధానం అనన్తరపచ్చయేన పచ్చయో; కామావచరా ఖన్ధా నకామావచరస్స వుట్ఠానస్స అనన్తరపచ్చయేన పచ్చయో; పఠమస్స ఝానస్స పరికమ్మం పఠమస్స ఝానస్స అనన్తరపచ్చయేన పచ్చయో…పే… చతుత్థస్స ఝానస్స…పే… నేవసఞ్ఞానాసఞ్ఞాయతనస్స పరికమ్మం…పే… దిబ్బస్స చక్ఖుస్స…పే… దిబ్బాయ సోతధాతుయా…పే… ఇద్ధివిధఞాణస్స…పే… చేతోపరియఞాణస్స…పే… పుబ్బేనివాసానుస్సతిఞాణస్స…పే… యథాకమ్మూపగఞాణస్స…పే… అనాగతంసఞాణస్స పరికమ్మం అనాగతంసఞాణస్స అనన్తరపచ్చయేన పచ్చయో; గోత్రభు మగ్గస్స… వోదానం మగ్గస్స… అనులోమం ఫలసమాపత్తియా అనన్తరపచ్చయేన పచ్చయో. (౨)

౨౧౨. నకామావచరో ధమ్మో నకామావచరస్స ధమ్మస్స అనన్తరపచ్చయేన పచ్చయో – పురిమా పురిమా నకామావచరా ఖన్ధా పచ్ఛిమానం పచ్ఛిమానం నకామావచరానం ఖన్ధానం అనన్తరపచ్చయేన పచ్చయో; మగ్గో ఫలస్స, ఫలం ఫలస్స, నిరోధా వుట్ఠహన్తస్స, నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. నకామావచరో ధమ్మో కామావచరస్స ధమ్మస్స అనన్తరపచ్చయేన పచ్చయో – నకామావచరం చుతిచిత్తం కామావచరస్స ఉపపత్తిచిత్తస్స, నకామావచరం భవఙ్గం ఆవజ్జనాయ, నకామావచరా ఖన్ధా కామావచరస్స వుట్ఠానస్స అనన్తరపచ్చయేన పచ్చయో…. (౨)

సమనన్తరపచ్చయేన పచ్చయో… సహజాతపచ్చయేన పచ్చయో… సత్త… అఞ్ఞమఞ్ఞపచ్చయేన పచ్చయో… ఛ… నిస్సయపచ్చయేన పచ్చయో… సత్త.

ఉపనిస్సయపచ్చయో

౨౧౩. కామావచరో ధమ్మో కామావచరస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – కామావచరం సద్ధం ఉపనిస్సాయ దానం దేతి…పే… సీలం…పే… ఉపోసథకమ్మం…పే… విపస్సనం ఉప్పాదేతి, మానం జప్పేతి, దిట్ఠిం గణ్హాతి; కామావచరం సీలం…పే… పఞ్ఞం… రాగం…పే… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ దానం దేతి…పే… విపస్సనం ఉప్పాదేతి, పాణం హనతి…పే… సఙ్ఘం భిన్దతి; కామావచరా సద్ధా…పే… సేనాసనం కామావచరాయ సద్ధాయ…పే… పత్థనాయ… కాయికస్స సుఖస్స… కాయికస్స దుక్ఖస్స ఉపనిస్సయపచ్చయేన పచ్చయో. (౧)

కామావచరో ధమ్మో నకామావచరస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – కామావచరం సద్ధం ఉపనిస్సాయ నకామావచరం ఝానం ఉప్పాదేతి, మగ్గం…పే… అభిఞ్ఞం…పే… సమాపత్తిం ఉప్పాదేతి; కామావచరం సీలం…పే… సేనాసనం ఉపనిస్సాయ నకామావచరం ఝానం ఉప్పాదేతి, మగ్గం…పే… అభిఞ్ఞం…పే… సమాపత్తిం ఉప్పాదేతి; కామావచరా సద్ధా…పే… సేనాసనం నకామావచరాయ సద్ధాయ…పే… పఞ్ఞాయ… మగ్గస్స, ఫలసమాపత్తియా ఉపనిస్సయపచ్చయేన పచ్చయో; పఠమస్స ఝానస్స పరికమ్మం పఠమస్స ఝానస్స…పే… చతుత్థస్స ఝానస్స…పే… ఆకాసానఞ్చాయతనస్స…పే… పఠమస్స మగ్గస్స…పే… చతుత్థస్స మగ్గస్స పరికమ్మం చతుత్థస్స మగ్గస్స ఉపనిస్సయపచ్చయేన పచ్చయో. (౨)

౨౧౪. నకామావచరో ధమ్మో నకామావచరస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – నకామావచరం సద్ధం ఉపనిస్సాయ ఝానం ఉప్పాదేతి, మగ్గం…పే… అభిఞ్ఞం…పే… సమాపత్తిం ఉప్పాదేతి; నకామావచరం సీలం …పే… పఞ్ఞం ఉపనిస్సాయ నకామావచరం ఝానం ఉప్పాదేతి…పే… మగ్గం…పే… అభిఞ్ఞం…పే… సమాపత్తిం ఉప్పాదేతి; నకామావచరా సద్ధా…పే… పఞ్ఞా నకామావచరాయ సద్ధాయ…పే… పఞ్ఞాయ, మగ్గస్స, ఫలసమాపత్తియా ఉపనిస్సయపచ్చయేన పచ్చయో; పఠమం ఝానం దుతియస్స ఝానస్స ఉపనిస్సయపచ్చయేన పచ్చయో…పే… తతియం ఝానం…పే… చతుత్థం ఝానం…పే… ఆకాసానఞ్చాయతనం విఞ్ఞాణఞ్చాయతనస్స …పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఉపనిస్సయపచ్చయేన పచ్చయో; పఠమో మగ్గో దుతియస్స మగ్గస్స…పే… దుతియో మగ్గో తతియస్స మగ్గస్స…పే… తతియో మగ్గో చతుత్థస్స మగ్గస్స ఉపనిస్సయపచ్చయేన పచ్చయో; మగ్గో ఫలసమాపత్తియా ఉపనిస్సయపచ్చయేన పచ్చయో. (౧)

నకామావచరో ధమ్మో కామావచరస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – నకామావచరం సద్ధం ఉపనిస్సాయ దానం దేతి, సీలం…పే… ఉపోసథకమ్మం…పే… విపస్సనం ఉప్పాదేతి, మానం జప్పేతి, దిట్ఠిం గణ్హాతి; నకామావచరం సీలం…పే… పఞ్ఞం ఉపనిస్సాయ దానం దేతి, సీలం…పే… ఉపోసథకమ్మం…పే… విపస్సనం ఉప్పాదేతి, మానం జప్పేతి, దిట్ఠిం గణ్హాతి; నకామావచరా సద్ధా…పే… పఞ్ఞా కామావచరాయ సద్ధాయ…పే… పఞ్ఞాయ, రాగస్స…పే… పత్థనాయ కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో; అరియా మగ్గం ఉపనిస్సాయ సఙ్ఖారే అనిచ్చతో…పే… విపస్సన్తి, మగ్గో అరియానం అత్థపటిసమ్భిదాయ… ధమ్మపటిసమ్భిదాయ… నిరుత్తిపటిసమ్భిదాయ… పటిభానపటిసమ్భిదాయ… ఠానాఠానకోసల్లస్స ఉపనిస్సయపచ్చయేన పచ్చయో; ఫలసమాపత్తి కాయికస్స సుఖస్స ఉపనిస్సయపచ్చయేన పచ్చయో. (౨)

పురేజాతపచ్చయాది

౨౧౫. కామావచరో ధమ్మో కామావచరస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స …పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు కామావచరానం ఖన్ధానం పురేజాతపచ్చయేన పచ్చయో. కామావచరో ధమ్మో నకామావచరస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. వత్థుపురేజాతం – వత్థు నకామావచరానం ఖన్ధానం పురేజాతపచ్చయేన పచ్చయో. (౨)

పచ్ఛాజాతపచ్చయేన పచ్చయో… ద్వే… ఆసేవనపచ్చయేన పచ్చయో… తీణి.

కమ్మపచ్చయాది

౨౧౬. కామావచరో ధమ్మో కామావచరస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా (సంఖిత్తం).

నకామావచరో ధమ్మో నకామావచరస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా (సంఖిత్తం). నకామావచరో ధమ్మో కామావచరస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా (సంఖిత్తం). నకామావచరో ధమ్మో కామావచరస్స చ నకామావచరస్స చ ధమ్మస్స కమ్మపచ్చయేన పచ్చయో – సహజాతా, నానాక్ఖణికా (సంఖిత్తం). (౩)

విపాకపచ్చయేన పచ్చయో… చత్తారి… ఆహారపచ్చయేన పచ్చయో… చత్తారి… ఇన్ద్రియపచ్చయేన పచ్చయో… చత్తారి… ఝానపచ్చయేన పచ్చయో… చత్తారి… మగ్గపచ్చయేన పచ్చయో… చత్తారి… సమ్పయుత్తపచ్చయేన పచ్చయో… ద్వే.

విప్పయుత్తపచ్చయో

౨౧౭. కామావచరో ధమ్మో కామావచరస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). కామావచరో ధమ్మో నకామావచరస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం (సంఖిత్తం) పటిసన్ధిక్ఖణే వత్థు నకామావచరానం ఖన్ధానం విప్పయుత్తపచ్చయేన పచ్చయో. పురేజాతం – వత్థు నకామావచరానం ఖన్ధానం విప్పయుత్తపచ్చయేన పచ్చయో. (౨)

నకామావచరో ధమ్మో కామావచరస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – నకామావచరా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే…పే…. పచ్ఛాజాతా – నకామావచరా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అత్థిపచ్చయాది

౨౧౮. కామావచరో ధమ్మో కామావచరస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). కామావచరో ధమ్మో నకామావచరస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు నకామావచరానం ఖన్ధానం అత్థిపచ్చయేన పచ్చయో. పురేజాతం – దిబ్బేన చక్ఖునా రూపం పస్సతి…పే… (పురేజాతసదిసం). (౨)

నకామావచరో ధమ్మో నకామావచరస్స ధమ్మస్స అత్థిపచ్చయేన పచ్చయో – సహజాతం (సంఖిత్తం). నకామావచరో ధమ్మో కామావచరస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం (విప్పయుత్తసదిసం). నకామావచరో ధమ్మో కామావచరస్స చ నకామావచరస్స చ ధమ్మస్స అత్థిపచ్చయేన పచ్చయో (పటిచ్చసదిసం). (౩)

౨౧౯. కామావచరో చ నకామావచరో చ ధమ్మా కామావచరస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం, ఆహారం, ఇన్ద్రియం. సహజాతా – నకామావచరా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో; పటిసన్ధిక్ఖణే…పే…. పచ్ఛాజాతా – నకామావచరా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – నకామావచరా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. కామావచరో చ నకామావచరో చ ధమ్మా నకామావచరస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నకామావచరో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… పటిసన్ధిక్ఖణే…పే…. నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో. (౨)