౨. సఙ్ఖ్యావారో

౧౬౩. హేతుయా చత్తారి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే ఛ, విపాకే నవ, ఆహారే చత్తారి, ఇన్ద్రియే చత్తారి, ఝానే నవ, మగ్గే చత్తారి, సమ్పయుత్తే ఛ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ.

అనులోమం.

పచ్చనీయుద్ధారో

౧౬౪. సప్పీతికో ధమ్మో సప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… కమ్మపచ్చయేన పచ్చయో. సప్పీతికో ధమ్మో అప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. సప్పీతికో ధమ్మో సప్పీతికస్స చ అప్పీతికస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… కమ్మపచ్చయేన పచ్చయో. (౩)

౧౬౫. అప్పీతికో ధమ్మో అప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. అప్పీతికో ధమ్మో సప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. అప్పీతికో ధమ్మో సప్పీతికస్స చ అప్పీతికస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

౧౬౬. సప్పీతికో చ అప్పీతికో చ ధమ్మా సప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. సప్పీతికో చ అప్పీతికో చ ధమ్మా అప్పీతికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. సప్పీతికో చ అప్పీతికో చ ధమ్మా సప్పీతికస్స చ అప్పీతికస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౩)

(పచ్చనీయవిభఙ్గగణనాపి సవితక్కదుకసదిసా. యదిపి న సమేతి ఇమం అనులోమం పచ్చవేక్ఖిత్వా గణేతబ్బం, ఇతరే ద్వే గణనా గణేతబ్బా.)

సప్పీతికదుకం నిట్ఠితం.